16/06/2007, 03:14 AM
|
| زعيــم مميــز | | تاريخ التسجيل: 19/04/2006 المكان: في مكان لايراني فيه الناس ولكن الله يراني
مشاركات: 5,114
| |
اخوي العزيز FreakouT ياهلا والله فيك الله يوفقك يالغالي باللي جاي يارب وبعدين اخوي لابد ان تاخذ لكل شئ (احتياط) .. يعني الدراسه يلزمك تكون مخلصها من قبل الاختبارت بايام يعني قبل الاختبار تمر مرور( للتذكير) فقط !! ياخي لو اذكر اللحسات والمواقف اللي حصلتلي في الاختبارت كان تحمد ربك .. العام اذكر كان فيه اختبار يوم الاحد الظاهر انه ادب وتوحيد وانا طلعت يوم السبت اختباري زفت رياضيات والنفسيه تعبانه والله وانام الظهريه واصحى العصر .. وامسك النحو اللين المغرب والمغرب راحه والعشاء امسك التوحيد اللين خلصته الى تقريبا الساعه 12 .. وارجع للنحو تقريبا الى 2 وانام والفجر صحيت وامر مرور واطلع للم(ط)رسه والله اقعد اسولف مع اخوياي .. والله اشوف الكتب اللي معهم ادب وتفسير  قلت بالله وش الاختبار اليوم ؟ .. قالوا ادب وتفسير ... لاحوووووووووووووول انا انهد حيلي صراحه وبغيت اروح للبيت بلا اختبار بلاهم (الرجال يذاكر النحو) .. قاري الجدول غلط والله يجيوني بعض الشباب يهدوني قالوا سهل الادب وتخلصه بقراءه والله وتوكل على الله وامسك زاويه واقراه على السريع مع التدقيق على رؤؤس الاقلام .. والله ادخل الاختبار والحمدلله مشت الامور على مايرام . فيه الاحياء اخر يوم من الاسبوع الاول !! تخبرون كله امثله متشابهه ويبيله كمبيوتر !! طلعت يوم الثلوث وبعد الظهر عيا يجيني النوم المهم اذن العصر قلت ياولد خل ندرس والله امسك الكتاب اللين المغرب وبعد المغرب ادراسه اللين العشاء وبعد العشاء اشوف الكتاب كتابين  .. جان النوم !! قلت ماني نايم اللين وحده بليل وبعد الفجر ابدرس اللين الساعه 7 والله ماتتم 10 الا انا نيم وماصحيت الا الشمس طالعه .. والله اقوم واتوضى واصلي واقعد اقراه وانا تعبان قلت يابن الحلال اللي قرينا ودرسنا كفايه .. اروح للمدرسه واقعد اذاكر وادخل القاعه !! والله اقعد احل حل مامثله حل واخر واحد يطلع من القاعه انا فيه مراقب حاشره .. كل شوي قضى الوقت قضى الوقت يالله ترى ابسحب الورقه !!! قلت ياخي وش معجلك انت تبي تروح رح الوقت باقي عليه نص ساعه والله االحمدلله عدت على خير .. اسف على الاطاله ،،
اه ياايام الثانويه بس من جد ذكريات  ..  |
