السلام عليكم

الحمدلله انتهت الإختبارات .. طلعت 4 مقررات وعديتها ولله الحمد وبقت ثلاث الله يستر منها .. الله يوفق الجميع في إختباراته

بسم الله نبدأ بالرد على أبرز ماجاء في الرابطة

إقتباس " تيري يتدرب مع المنتخب "

الحمدلله ان الاصابة ماكانت قوية عشان محد ياخذ الكابتنية

إقتباس برشلونة لا ينوي ضم لامبارد

تف عليتس حامضة

إقتباس ميكاليلي لا اعرف مصيري الموسم القادم وربما الحق بيبكهام إلى أمريكا ..

ماكاليلي باقي لمدة سنة على الأقل بإذن الله .. مورينهو لن يتخلى عنه أبدا ً

إقتباس مورينيو: شخصيتي صعبة المساس في تشيلسي!!

اسمعي يا صن .. اسمعي يا الصحافة الانجليزية

إقتباس روبن يقترب من التجديد لتشلسي وريال يطارده

ولو اني حقدت عليه يوم انه ماعزمني على عرسه .. بس الحمدلله فكني من العانية

روبين احيان احس انه بيطلع واحيان احس انه بيجلس .. وإن شاءالله يجلس ونشوف إبداعاته في الموسم القادم

إقتباس مورينيو يدعم سياسة تشيلسي بتقنين ميزانية الانتقالات

تشيلسي بالأساس مو بحاجة لـ تدعيمات كبيرة .. فقط ثلاثة أو أربعة لاعبين بالكثير .. اثنين جو وباقي اثنين .. في الدفاع والثاني منيب قايله

إقتباس واكيد انها يتصير رابطه خير عليكم مادام اللي فتحها موب واحد اسمه عبد الله- اسير الزعيم

وش يبي ذا

إقتباس الاعبان سالمون كالو و ديدي دوجربا يقودان منتخب بلاده ( ساحل العاج )

من يلحقنا بالاهداف ياجماعة .. دخت عليها مالقيتها

إقتباس Andrei Shevchenko اقسم على البقاء مع Chelsea من أجل إثبات انه لا يمكن نجاح فى Premiership .

وشيفا قادر على ذلك بإذن الله .. بإنتظار إبداعاته وأهدافه الخيالية واللي شفنا بعضها الموسم الماضي

إقتباس دوسيه لاعب المنتخب الفرنسي السابق ولاعب فريق البلوز السابق .. يعتقد بان شيفا يصعب عليه التكيف مع البلوز للانه يعاني من اصابة

طيب الاصابة تروح يا دوسييه

إقتباس رااانيري من اااليوفنتس .. يحاول استقطاااب لامبااارد

والله خوفي هو من اليوفي بس .. وإن شاءالله مايروح ذيبان

إقتباس " بانه سعيد للانضمام لنادي تشيلسي وسيحاول كسب دوري الابطال "

تبون الجد .. ماجا بطموحات تشيلسي هالتعاقد .. لكن وش يدريكم ممكن يقدم مستويات خيالية .. وهذا اللي اتوقعه

إقتباس تعليقاااتكم عن الي بالصورة .. !

والله من الفضاوة يا احمد

إقتباس الانتر تريد شيفا مقابل ادريانو, و شيفا يريد فرصة اخرى مع البلوز

معليش .. مابقى الا السكير

إقتباس تشيلسي يقدم 16مليون £ لضم دانيل الفيس هذا الصيف

يستاهل ألفيس .. ولو زادوا العرض يستاهل .. صحيح ان الظهير الايمن محنا في حاجته .. لكن إن كان ألفيس هو القادم فـ بالتأكيد سيكون أفضل وسيكون الفريق أقوى

إقتباس جوزيه مورينهو يستعد للتفاوض على ماكرثى

خلاص هجوم خلاص

إقتباس ..][.. دروجبا حريص على ضم مالودا ..][..

خال توسط لخال .. إن كان مالودا فعلا ً قادم فـ هي مصيبة على الفرق الأخرى .. إن أتى فـ حتى الإصابات لن تقف في وجه تشيلسي بإذن الله

إقتباس كاكا يحلم ان يعود شفشينكو

كاكا خلك مع اللي قبلك .. العب بعيد الا ان كانك تبي تصير جنبه :p

إقتباس خوسيه موورينهو اليوم تدعم اولمبياد عام 2012 في لندن.

طيب من اللي فهم الشعار

إقتباس أتمنى من اخوي احمد يعدل حاجه وحدة بس وهي .. انه يكتب دروجبا بدل من دوجربا

إقتباس كينون : شيفشينكو ليس للبيع ولن نعيره

خلاص انتهت الاشاعات بـ هذا التصريح

إقتباس هـاهـ منهـو , بكيفـه واللـه إذا بغـى يجـي والا ماحنـا بحاجتـه <<< واضـح اللـي يراعـي شعـور ابوعابـد

لبى قلبك

إقتباس ][.. تيري جذاب الرأي ..][

مافهمت شي من الترجمة

إقتباس شعار أولمبياد لندن 2012 "يصيب بالصرع"

معليش قوية ذي يا ملاحيس

إقتباس بالأمس كان هناك برنامج يعرض على قناة تشيلسي .. وكان يوجه اسئلة الى النجم فرانك لامبارد..بعد انقضاء هذا الموسم..

تسلم على نقل المقابلة

إقتباس مورينيو سيسمح لبلحروز بالإنتقال للبايرن

بقلعته

إقتباس البلوز يريدون اللاعب الكسندر باتو ..

بعد ما اخلص من هالرد بروح اشوف مقاطع لـ هاللاعب اللي طايرين فيه :p

إقتباس ..][.. بالاك يرى انه قدم مستوى ايجابي ..][..

إيجابي لا .. لكن مو سيء .. بالاك قدم مستوى مقبول نوعا ً ما .. وسيكون أفضل بإذن الله الموسم القادم

إقتباس ][.. لامبارد باق في لندن ..][

من أجمل الأخبار .. لامبارد بالرغم من استحالة خروجه .. إلا أني الى الان خايف .. لكن جميع المؤشرات تقول بأنه سيبقى

إقتباس ابشركم مدرب نيو كاسل يبي بن حايم

بقلعته

إقتباس ..][][..الريال يفصح عن اهتمامه بروبين ..][][..

باقي بإذن الله يا روبين .. وبإنتظار التجديد

إقتباس فرانك لامبارد تتطلع الى راحة طويلة خلال فصل الصيف استعدادا للمنافسه للاقب تاموسم القادم

وموسم جديد أفضل يا فرانكي .. راحة شهرين ستعيد لامبارد لـ إبداعاته

إقتباس ..][][..ايسيان سعيد بمساعدته لبلده ..][][..

والله انه ماقصر معهم .. جاب لهم أكبر راس في تشيلسي بعد رومان

إقتباس ..][][.. لامبارد : اتمنى ان تكون الولايات المتحده ملائمة لبيكس ..][][..

بيكهام عاد لـ عطائاته المتميزة .. وسيكون مبدع هناك وسيجبر الكثيرين على متابعة الدوري الأمريكي .. لو ملخصات على الأقل

إقتباس ..][.. تشيلسي غاضب جداً من إدعائات نادي الريال .. ويقرر الاشتكاء عند الـ Fifa ..][..

للمرة الثانية يا مدريد

إقتباس جو كول يامل تجديد عقود طويله لـ لامبارد و جون تيري

بإنتظار هذه الخطوة الضرورية .. وأنت معهم يالله

إقتباس

تسلم على التصميم الراااااائع

ابوعابد وأنا أخوك ترجم صح

إقتباس يعني تكلم عن المميز في تشلسي الي هو دروجبا والمميز عندنا رافا مع الفريق الجيد والي وصل للنهائي مرتين بمعنى ثاني أذا المهايطي سمعه يمدح رافا ولا مدحه ماراح يجيبه

لازم تصير بعض الشطحات بس بصراحة ماقريت كلمة كوتش يوم اترجم .. يمكن الوافي كان مخبط .. عموما ً ترى يمكن يجيبه عشانه مدح رافا ويجلسه احتياط

إقتباس ..][.. ايسين مفرقع هو بطل حزام ..][..

يستاهل .. هدف رااااااااااااااااائع

إقتباس نقاش اليوم والغد حول انتقالات تشيلسي شرفونا

تحرجنا كذا يا ابومحمد نقل مباراة الموسم اللي راح .. ونقل أول مباراة لتشيلسي للموسم القادم .. ونقاش وش رايك تترك ليفربول :p

إقتباس أنكـر والـد روبيـن الإدعـاءات التـي ذكـرهـا رئيـس النـادي الملكـي رومـان كالديـرون بـأن روبيـن سـوف ينتقـل لريـال مدريـد الأسبانـي وأنـه فـي محادثـات مبكـرة مـع اللاعـب وناديـه وتحـدث حـول عقـد إبنـه وقـال : ريـال مدريـد حتـى الآن لـم يتحـدث مـع إبنـي حـول الإنتقـال إليهـم , ولـم أواجـه أي مسـؤول مـن نـادي ريـال مدريـد , محادثـات ريـال مدريـد لاتهـم لأن روبيـن علـى وشـكً توقيـع عقـد جديـد مـع تشيلسـي لخمسـة مواسـم إضافيـة حتـى 2012 م .

بإنتظار هالخطوة اللي بتبعد اللاعب عن الإشاعات المتلاحقة .. وتخليه يصيف على راحته

إقتباس ..][.. جولـة الفريـق ستمتـد إلـى الدنمـارك ..][..

عاد مالقوا الا الدنمارك لكن بصراحة كوبنهاجن فريق متميز .. ويكفي اننا بنشوف جرونكيار

إقتباس ..][.. مواعيـد مباريـات الفريـق المؤكـدة ..][..

أهم الفرق .. فريق جالاكسي عشان بيكهام .. وفينورد .. لكن إن شاءالله نلعب مع فرق كبيرة كالميلان والبارسا والريال

إقتباس تـم إضافـة 10 لاعبيـن للإنضمـام لأكاديميـة تشيلسـي تحـت 19 سنـه لموسـم 08/2007 , وجـاءت الموافقـة عليهـم مـن قبـل مديـر تطويـر كـرة القـدم للشبـاب فرانـك آرنيسيـن ومديـر الأكاديميـة نيـل همـام ومديـر فريـق الشبـاب نيـل كليمنـت .

ايه كثروا من البزارين عشان ابوغامد

إقتباس أكـد جيريمـي بـأن هنـاك عـرض مقـدم لـه للعـودة مـرة اخـرى مستعـار لنـادي ميدلزبـروه , بعـد فتـرة إعـارة كانـت فـي عـام 2002 وكانـت ناجحـه للنجـم الكاميـروني , وعلـق جيريمـي علـى هـذا الجانـب وقـال : ميدلزبـروه فريـق كبيـر وأنـا أعرفـه جيـداً , وإذا أتانـي العـرض المناسـب سأذهـب هنـاك وأنـا سعيـد لتكـرار التجربـة

جيريمي كان من المفترض انه ينتقل من زمان .. لكن ان شاءالله ينتقل هالموسم لأحد الفرق الإنجليزية

إقتباس مهاجـم هيرتـا برليـن الصربـي ماركـو بانتيليـك يرتبـط إسمـه للإنتقـال لصفـوف البلـوز تشيلسـي بمبلـغ يقـدر بـ 2.7 مليـون يـورو

هذا ورع بعد يا نواف

إقتباس دروقبا يقول ان الاصابات سبب لعدم حصول البلوز على الدوري

هذا السبب وإن شاءالله مايتكرر ماحصل هالموسم للفريق الموسم القادم

إقتباس هذا الاسد بيتر تشيك ... مسوين له احتفال قبل اسبوعين بمناسبة عيد ميلاده الخامس والعشرون ...

تسلم يا نايف على الصور .. وعقبال ماتجيب صور تشيك وهو شايل التشامبيونز وهابي بيرزداي

إقتباس ابوعابـد انهبـل خويـك هـدف ملعـون والديـن ياشيـخ , هـدف علـى طريقـة الكبـار فعـلاً هـدف مـخ وهـذا اللـي إستغربتـه مـن فيريـرا

وخر عنه هذا وهو يلعب في المباراة ظهير أيسر بس الى اللحين منيب مصدق حطه ولا حطة لامبارد على البارسا

إقتباس [[]] كشاف البلوز يتجه الى هولندا [[]]

قريبا ً بيحولون وجهتهم عندنا

إقتباس واللـه يا شيمبونـدا مـادري مورينهـو وش لاقـي فيـه إذا هـو فعـلاً يفاوضـه , صراحـة عـادي جـداً

ايه والله .. بس تبي الجد اللاعب ماعليه كلام .. لكن بدري عليه يجي تشيلسي

إقتباس ..][.. كارفالهـو يحـث ابراهيموفيتـش ..][..

الربع تفلتوا على رومان وإن شاءالله يتفلتون عليه ويجدد لـ تيري ولامباردلـ فترة طويلةجدا ً

إقتباس إرتبـط مـدافـع بـي أس فـي أيندهوفـن دا كوستـا للإنتقـال لصفـوف البلـوز بمبلـغ يقـدر 6 مليـون يـورو , وذكـر اللاعـب بـأنـه سعيـد لسمـاع هـذا الخبـر وقـال : " تشيلسـي أحـد النـوادي العظيمـة فـي كـرة القـدم وأنـا مسـرور جـدا بأنّهـم اهتمـّوا بـي"

نواف الخبر من ترايب فوتبول

اللحين يا جماعة دا كوستا مهوب أليكس ...!!

إقتباس تـم تشفيـر البتـاع تقديـراً لـمشـاعر بعـض النـاس

طيب ليه التشفير

إقتباس اتلتيكو مدريد مستعده لبيع توريس

يارب يكون توقعي صحيح يا نواف .. عملية مبادلة .. توريس مقابل فيليبس + مبلغ مالي

إقتباس أبو عـابد BOOCHI . . . . نـايف . . . . أبوغامـد . . . . S7EVA يزيـد . . . . . نـواف عـزوز . . . . . حُــسام أيـوب . . . مشـاري وباقـي الأعضـاء بـدكة الإحتيـاط والمُـدرب .. نجيـب واحد من شيّــاب الحمـر " أبومحمـد , أبو أريـام , أبو صـالح "

عز الله اللي كدينا خير

إقتباس الجمعة القادمة 15/6/2007 موعد زفاف كابتن المنتخب الانجليزي ونادي تشيلي بخطيبته توني وذلك في قصر بلينهيم

كندرة قريشن

إقتباس ليون يخدم نداء مالوودا

والله احس ان هالنادي هو تشيلسي .. لكن عموما ً ان جاء اللاعب بيكون زين على زين .. لكن الصدز محنا في حاجته

إقتباس آآآخ ياعيونـي والله اللون يشتكـي تـم القفـط همــــاش يبـزوط

دايم تقفطه

عبدالهادي .. اشتقنا لك .. وإن شاءالله نشوفك في أقرب وقت

إقتباس نـواف .. ان شاء الله يعجبـك ..

نواف زي ماقلت لك الخلفية اي كلام

إقتباس زولا : تشلسي جاهز لربح دوري الأبطال

لبى قلبك يا زولا الا على طاريه نواف احتريك ترى ودي أكمل الباقي

إقتباس فـيـا:اريد البقاء في فالينسيا

فيا أصبح من المستحيل قدومه .. وبقاءه مع فريقه أفضل

إقتباس ميلان ينافس الانديه الانجليزيه على ضم ايتو

إيتو أعتقد انه نفس حالة فيا

إقتباس ..][.. دروجبا : كنا حذرين جداً ..][..

عندي إحساس الموسم القادم مافيه الا قوة هجوم .. وإن شاءالله نشوف إبداعات الفريق بأكمله دون غياب أحد

إقتباس الحمد لله أن النك تفعل بعد عام كامل من الإنتظار

وعليكم السلام

هلا يزيد .. مبروك تفعيل اليوزر .. وإن شاءالله نشوفك مبدع معنا

إقتباس دروجبا .. القنبلة من صحيفة البرشا

طيب وش تبون

إقتباس ..][.. هيدينك يشيد برئيس تشيلسي ..][..

اكيد هو معزبك

هيدينك من أفضل مدربي العالم .. لكن الشائعات اللي كانت تقول انه بيجي تشيلسي أبلفتنا وإن شاءالله نشوفه في أحد الفرق الكبيرة لأن تشيلسي محجوز لـ مورينهو

وفي الختام الله يعطيكم العافية على الأخبار والمشاركات .. وبإنتظار اللي وعدتنا فيه يا ابوغامد

لي عودة بإذن الله

تحيتي للجميع ؛ ؛ ؛