إقتباس تخيلوا يا شباب بكرة سمعتوا خبر ان تشلسي جاب مدافع جديد ،، وفجأة طلع هالمدافع سعودي ،، طبعاً انتم بتستغربون اللي بيقول المفرج واللي بيقول المنتشري <<< لاحظوا الظريسات بس خخخخ المووهم ان الكل بيخرف له اسم ،، وفجأأأأة ،، صار اسم المدافع عبدالله ح م ،، من المجمعة (اللي هو أنا ) وطبعاً اكتشفوه كشافي تشلسي ،، طبعاً هم كانوا ناوين يروحون هولندا بس قالوا لازم نشطف المجمعه لأن فيها مواهب كثيرة خصوصاً بالمزرعه اللي يلعب فيها عبدالله ح م طبعاً اللي موصيهم الشيخ ابراموفيتش الزبدة ،، وجيت انا هنا بالرابطة وعلمتكم الخبر واني بروح احترف في تشلسي ،، وش بتوصوني عليه ؟؟ وبعدين بكل امانة بتقطعون ظهري بالرابطة مثل ماقطعتوا ظهر بلحروز والقرد قصدي رايت فيلبس ولا لا ؟؟ ==================================== اعذروني بس والله من الفضاوة ،، وبما انكم نايمييييييييين ،، قلت لازم اكتب شي ،، وطرت هالفكرة على بالي ،، يمكن ترى من الإختبارات وماتسوي تحياتي

تراهم شاطفين الرياض وبيجيبون حارس

خلك من نصايح نواف .. شف انا ابيك اول ماتروح هناك .. تمر فيريرا وتعطيه بوستين كل وحدة على خد .. ولاتتعدى الخدود وتسلمني عليه وتقوله يعذرني على قطعتي له .. اختبارات وغثى :p

بس تصدق .. عندنا مواهب غير طبيعية .. لكن مافيه احد يلتفت لها عندك مثلا ً أنا حارس مرمى فذ .. لكن مافيه احد يتبناني وانت مدافع .. وابوغامد قلب دفاع معك .. وابن امه يمر من عنده .. سد مأرب ما شاءالله عليه ونواف وسط على حبيبه لامبارد .. وحسام جناح أيمن على قرده وأيوب هجوم بسبب التشابه الكبير بينه وبين دروجبا خاصة ً في الجدايل والحمدلله عندنا مشجعات على طريقة كرة القدم الامريكية أصيلة واللندنية وسكرة هلالية

إقتباس واللـي عـن فيريـرا <<< مافيـه إلا واحـد << شوفوا الشذوذ بس يدوخ بظهير أيمن

ترى ماقريت شي :p

إقتباس دروقبا مغرى باللعب في دول اخرى

ماش الرجال بزوط من جد ... من يوم سووله حفلة في ساحل العاج وهو بادي في الخنبقة .. اقول انطق يا الخال ولاعاد تصرح هالتصاريح .. المسيكين شاف ماحوله احد يفاوضه قال خلوني اشغل نفسي شوي في الاشاعات