نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - يمنع دخول الحوامل و مرضى السكر والضغط .. فهنا تشاهدون اثارة البارسا والريال (^;^)

عـــ الزعيم ـــاشق · #21 10/06/2007, 02:21 PM

مجنونة أنتي ياليغا ..

مجنونة أنتي يامستديرة ..

بصراحة .. احترت ايش اكتب .. ايش أقول !!

بينتهي الدوري وبتجيني بلاوي البلاوي .. ضغط سكر .. ولاتستبعد القلب وأشياء ثانية

ماحدث بالتفصيل ..

كالعادة .. تبدأ المباراة .. أجلس وحيد .. مركز .. لا ألتفت ولا أرد على الهاتف ولا أفعل أي شئ سوى الـ(إنسداح)

بدأت هنا وبدأت هناك .. في الدقيقة الثالثة .. ناظرت كم دقيقة بالضبط منذ بدأت مباراة الريال .. وقلبت +2 وشفت كم دقيقة بالضبط من بدأت مباراة البرسا .. >> أبي أعرف كل شي بالتفصيل ..

قبل المباراة .. فكرت أجيب تلفزيونين وريسيفرين عشان أشوف المباراتين

الخبر السار .. شاشة صغيرة ظهرت في الأسفل .. هدف لإسبانيول على برسا .. لم أتعامل مع الخبر بقمة الفرحة .. ولم أعبره بإبتسامة .. وانما اكتفيت بدعاء ربي أن تستمر هذه النتيجة ..

فجأة .. أيمار الخطير يخترق .. الحكم يصفر .. ركلة جزاء !!! نعم ؟؟ ركلة جزاء !! على إيش ؟

يا الله يارب .. يصدها أسدنا ..

آآآآآآآآآآآآآآآآآآآآآآآآآآآآآآآآآآآآه يالقهر .. كان يمديك تصدها ياخي !!!!!

وبدأت الدموع تتجمع على طرف العين .. لاتقولون دلع

وإنما قهر .. قهر أنك تجتهد وتجمع 27 تقطة من أصل 30 وتخسر في النهاية ..

فجأة .. الجمهور السرقسطي يصرخ بفرحة وكأن فريقهم أحرز هدف .. لا شعورياً غيرت القناة وحطيت +2 والا المفاجأة .. الهدف الفضيحة على قولة سيف ..

ياحكم !!!! ليه !!! والله واضحة قدام عينك وقدام عين حكم الراية !! زاويتكم تسمح لكم بالرؤية ! والله حرام عليكم وربي حرااااااااااااام .. بس يلا .. حسبي الله يمهل ولا يهمل .. تعبنا مابيروح بـ( غلطة تحكيم ) بإذن الله ..

بطولتنا ماراح تنسلب مننا بإتفاق فيار المتهكم ..

انتهى الشوط الأول بكرة أخطر من خطيرة من نستلروي .. لم أتفاعل معها لأني لازلت تحت تأثير تحطمي من هدف البرسا ..

بدأ الشوط الثاني هنا وهناك ..

تركيز مني كالعادة .. منسدح كالميت .. لاحركة ولارمشة ..

هدف .. هدف .. تعااااااااااااااااااااااااادل من نستلروي .. ياسلام عليك يارود فان يا أنجح صفقة في العالم لعام 2006 م ..

يا الله يجيبون الثاني ونرتاح ..

أيمار استلم الكرة .. وربي أول ما استلمها حطيت يديني على رأسي .. سحب بالأول .. دف الثاني .. تجاوز الثالث .. قدمها للرائع ميليتو .. سحب في كارلوس وسددها من أسفل قدم كاسياس ..

وعادت الدموع لبؤبؤة العين ..

كاسياس .. انت مو كذا .. مو هذي الكور الي تدخل مرماك !! ليه رفعت رجلك !! ليه ما انسدحت زي ما انت ؟ بس ماعليك ياملك وربي حتى لو خسرنا ما راح أعاتبك .. لأنك الوحيد الي ما ارضى عليك بالفريق ..

دقائق معدودة .. شاشة صغيرة .. هدف لميسي .. هنا أنا ماصرت أشوف أي شي من المباراة .. عيني على الشاشة ولكن عقلي يقول : ليه ؟ ليه يامستديرة تسويين فينا كذا ؟

والله حرام .. بعد التعب والعناء نخسر البطولة !!

3 بيتعشون على حسابي لو خسرنا البطولة حرام عليكم

انتظرت وانتظرت وانتظرت .. الحكم يتغاظى عن خطأ واضح لرييس وبطاقة صفراء مستحقة .. جوتي يغضب ويأخذ الكرة بسرعة وبغضب ملك .. يعاقب الخصم بتمريرة قاتلة لكارلوس .. الذي أبى أن يودع الريال دون أن يكون منقذ .. ويمررها لهيجواين الي حقدت عليه أكثر من أي شي بهذي المباراة .. سددها قوية ولكن في منتصف المرمى .. سيزار يردها ولكن نستلروي كالعادة في الموقع المناسب .. في المرمى تعااااااااااااااااااااااااااااااااااادل ..

يلا شدوا الحيل باقي شوي ونجيب الفوز وننسى نتيجة البرسا ..

دقيقة بأحط +2 اشيك على النتيجة لأني أحس إن البرسا بيجيب الثالث .. يؤ يؤ يؤ .. تعاااااااااااااااااااااااااااادل من تامودو ..

والله أحبك والله أحبك وربي أحبك ياتامودو .. تعاااااااااااااااادل ..

دمووووووووووووووووووووع الفرحة تتساقط .. فديتكم يالريال .. فديتك ياراؤول << كانوا جايبين الكاميرا عليه ..

التفكير هنا على طول .. أبي أحجز تذكرة عشان أحضر مباراة الريال ومايوركا ..أبي أحتفل في السيبليس .. أبي أحس بشعوركم يالإسبان .. أبي أصير أسعد إنسان بالكون ..

انتهت المباراة .. وناديت أخوي الصغير .. جاني .. شلته .. ضميته .. قلتله فزنا بالكأس .. الحين انا رويان .. مانيب عطشان أبد ..

كالديرون ينزل لأرض الملعب .. ويــــــــــن مسوي محمد بن فيصل ؟؟ << من الوناسة قام يتطنز

وهذا كان كل شي .. مايحتاج أقولكم عن الشد النفسي والعصبي الي مريت فيه لأني في آخر 6 مباريات للريال ماذقت الراحة لآخر لحظة ..

مشكور فهد على موضوعك ..

إقتباس


	السؤال هنا :: ماذا لو كانت المباريات في اوقات متفرقه ؟

ماكان عشنا الإثارة .. وأعتقد كنا بنخسر الصدارة ..

أعجبني عشاق الملوك في ردودهم في هذا الموضوع .. في قولهم :

إقتباس


	أنا ملكي

وبكل فخر ياناس .. أنا ملكــــــــــــــــي ..

قفلة ##

الله يعينك يا ريال مايوركا .. اللون الأحمر الي تلبسونه بينقلب أسود من كثر مابيحرقكم الريال في آخر مبارياته ..

الريال بيحقق البطولة بإذن الله وبياكل الأخضر واليابس في البرنابيو .. لكي يروي جمهوره المتعطش .. بفوز كاسح .. أداء رائع .. 30 لقب ..

تحيتي .,,.