09/06/2007, 11:41 AM
|
 | زعيــم نشيــط | | تاريخ التسجيل: 11/03/2007 المكان: أبــــهــــا
مشاركات: 763
| |
يا محاكي الصم
يا محاكي الصم .. مجهودك سُدى
مُنصت ٍ للبكـم إنصـات ٍ شديـد
يا مدور فـي الضـلالات الهُـدى
منتظر ابليس عـن غيـه يحيـد
منتظر تلقى رفيـق ٍ فـي العِـدا
عاري ٍ تبغى الدفى وسط الجليـد
باحث ٍ عن عز ابطى مـا بتـدى
باحث ٍ في هالمتاحف عن جديـد
منتظـر منقـذ يبـادر بالـنـدا
يهـزم الأعـدا وحقـك يستعيـد
منتظـر منهـو يعينـك بالفـدا
انتظرت سنين مـا جـا ماتريـد
عالي ٍ صوت العرب أحدث صدى
شجب وإستنكار تنديـد و وعيد
حطموا هذا العـدو اللـي اعتـدا
بالقمم أو بالخطـب أو بالقصيـد
يا مـدور عـن مثـال ٍ يقتـدى
لا تدور مسك في وسط الصديـد
انفظ غبـار الأمانـي مـا غـدا
للأماني حظ فـي سـوق العبيـد
كل وقـت لـه نهايـات ومـدى
ما يجي أبطال في الوقت البليـد
ما ينول المجد من يخشى الردى
في قريب الوقت والا في البعيـد
كل سيـف ٍ مـا يجـرد للصـدا
كل مجـد ٍ مـا يجـدد مايفيـد
الخبـر يصبـح خبـر بالمبتـدا
والمعالـي دانيـه للـي يـريـد
وكل يوم يحـاك ثـوب ويرتـدى
وكل يـوم يكفّـن ويقبـر فقيـد
وكل مافي الكون زايـل ماعـدا
وجه ربك مالك الملـك المجيـد
يا محاكي الصم صرخاتك سُـدى
لا تأذن وسـط أوثـان الحديـد البرواز
قلتيلي انسى
ومن يومها وانا كل ليلة .. قدامي البرواز
حبر العيون ودمع القلم .. في دفتري
وصورتك .. رغم الألم .. ورغم انها خذت من اطباعك كثير
وخانت البرواز .. اشوفها في خاطري
حبيبتي مابيدي حيلة
لاصرتي الصورة .. وعيوني البرواز
وشلون ابنسى
اتعبتي الصورة مشاوير
وتعبت انا بلقى لغدرك معاذير
وصورتك اللي سجنت بروازها طول السنين ..
كانت جسد وبروازها الروح
ويوم انزعت منها الجسد .. تجرّحت اطرافها
وبجروحها راحت لمين ؟
لبروازها الثاني !!
مسكين .. بيسجنك ويبقى سجين
مسكين
تشبهلك اقداره .. خانته
وصورتك يجي يوم وتخونه
حبيبتي ..أو للأسف حبيبته
لاصرتي الصورة .. وجفونه البرواز
وشلون ينسى ؟!
حبيبتي لجل انسى جرحك واستريح .. ببكي
وبعد البكى .. ببكي
وأكيد فيه لحظة بتجي .. وبيجف دمعي
وعندها صورتك اللي في عيوني
بتموت من ظلم العطش ..
بروازها بيصبح نعش
وبتمرني الدمعة الأخيرة ... تاخذ معاها صورتك وتطيح
وكني بالمسافة تطول مابين عيني .. ودمعتي .. وخدي
وكني بقلبي الحاير المسكين
نبضه يقول لا تودع الفرقى .. الدمع مايرقى
وعندها لانزلت الدمعة لمثواها الأخير
وفارقت وجهي
بغمض عيوني .. واكسر البرواز
وانسى  |
