نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - رابطة عُـشّـاق الـــريدز ][ لـيـفـربـول ][ 2007

F O W L E R · #7 05/06/2007, 10:24 PM

إقتباس

الرسالة الأصلية كتبت بواسطة شفشينكو الهلال


	انا بالتأكيد قرفان من محاولات الاتحاد الاوربي بتحويل فشلهم بالتنظيم في اثينا .. و طلعتهم و قولتهم ان جماهير ليفربول الاسوء باوروبا شي مخزي .. هم ما عندهم الشجاعه بأنهم يعترفون انهم جزء من المشاكل الي حصلت هناك !! بعدين ترى فيه حقين مانشستر و الارسنال و الباقين .. ليش يركزون علينا حنا بس !! كل العالم يدرون انه ما فيه نادي معين يسوي هالاشياء .. بس الاتحاد الاوربي يحاولون انهم يحطون اللوم علينا حنا !! و راحوا يلومون نادينا !! انا و انت !! و حنا لازم نرد لهم الصاع صاعين كل نادي لازم يصير فيه اقليه مخربين و حنا من هالنوادي !! و البعض من ذولا يستحقون الضرب الي جاهم من الشرطه باثينا و من المحزن انه الناس الجيدين و البالغين و الي عندهم تذاكر و الي يتصرفون صح و بالاسلوب الي كنا نبيه جاهم ضرب بعد !! بعدين كم واحد جته اصابه خطيره هناك و السبب الفوضوى رجال الامن حقين اثينا ؟!! بعض الناس خاف على سلامته هناك !! و خلنا نقول ان جماهير الريدز ما تعلموا من حادثه هيسل بس هل سلطات كرة القدم تعلموا بعد ؟! ( سؤال بالصميييم من هالمحشش ) و الجماهير الي دخلت بتذاكر مزوره اصلا ما كانوا يبون يدخلون لو أن الشرطه قامت بواجبهم !! أي واحد كان يقدر ينط فوق حواجز الاستاد و يدخل الملعب بس هل الشرطة وقفتهم ؟! الحقيقه ان الجمهور المحترم و الي دفع دراهم علشان التذكره و السفر ما دخلوا !!! و الله عيب !! حنا ما نتكلم بس عن خساره الفلوس حنا نتكلم عن حياتهم !! انا اعرف ناس مصابين بامراض خطيره سافروا لاثينا وهم عارفين انه يمكن تكون نهايتهم هناك !! تخيل انك جبت معك اخوك او ابوك و انت عارف انه يمكن اخر حدث كبير يمكن يحضره و يوم رحت للملعب قالوا لك الملعب مغلق !!!!! و المشكله انهم ماامداك تدور علشان ترجع الا وهم مطلقين غاز مسيلة الدموع !! و الشرطه هناك تحسب انه يساعد على انك تمشي على طول !!! و جماهير ليفربول الي هي اسوء جمهور باوروبا هي الي قامت و شالت الاطفال من على الطريق و ودتهم لاماكن امنه بينما الشرطه اليونانيه يستعرضون قوتهم علينا !!! و اذا كنت بهذاك الموقع مع الشرطه الي تطلق غاز مسيل للدموع باتجاه عائلتي اكيد انه تبي تقفل معي !! و اذا صرت هناك لحالي وبدون عائله و جاء واحد و قالي انك منتب داخل مع اني شاري تذكره اصليه من النادي !! اكيد انه باخر شي تبي توصل اني ابطيح الحواجز علشان ادخل !! الحين عرفت ليه الناس الهاديه بعض الاحيان تقلب !!! الويفا ودها تتخلص من مجموعه الـ جي 14 .. و الوقت موب مثالي للمجموعه بانهم يطلعون و يقولون نبي تحقيق على صار باثينا !! هذا يبي يخليهم بان جي 14 ما تطلع علشان الاسباب التجاريه و حتى لو اننا ندري انهم يسوونها !! و يبي يصير تحرك ممتاز اذا عملوها بس هل هم يبون يعملونها ؟ لأ لأنهم اغبياء بعد صح انه كان فيه ناس اغبياء باثينا لكن برضه كان فيه ناس جيدين .. و ماذا عن الريدز الي عملوا طرق بالمناطق المزحومه علشان يمرون الشيبان و الاباء الي معهم بزرانهم .. ماذا عن الريدز الي اكلوا و شربوا و تناقشوا لساعات مع مشجعي ميلان و بدون اي مشاكل !! ماذا عن الريدز الي انتبهوا لبعض يوم اطلقوا غاز المسيل للدموع !! الناس الشرفاء هم الي ينتبهون لزملائهم !! العيوب الوحيده كانت من طرف الويفا و السلطات اليونانيه .. اصلا الويفا ما يقدر يدبر شي و كلنا نعرف هالشي و هذا الي يخليك معصب لازم نزيد الضغط على الاعلام علشان يدرون وش العيوب الحاصله لان بعض الناس يمكن يموتون انا ما اعتقد اني اباخذ زوجتي و لا عيالي الى اي نهائي برا هالدوله .. اتذكر اني اخذت امي لالمانيا عام 2001 و دهسنا هناك عند اسوار الملعب .. كانت تجربه رهيبه .. و انا اقدر عائلتي مره و منب حاطهم بهالمواقف الخطيره .. شي محزن صح .. اننا ودنا بس نشوف كوره و نشجع اللاعبين بس المشكله اننا نعامل مثل الكلاب برى الملعب .. بينما عائله الويفا يشربون النبيذ و ياكلون الهوت دوق بلاتيني ما عمري حبيته ابد هالفرنسي

عوافي يابوحمد على الترجمه

وحلوة حقة يشربون النبيذ