يعطيك العااافيه ريدزاوي على الموضوع ...

والله أسئلتك تلخبط المخ .

إقتباس 1- لاعب دخل بعنف على لاعب وكان في اقل الاحوال يستحق كرت اصفر .. فانت صفرت و رحت تجري للاعب وحطيت يدك في جيبك بتطلع الكرت الاصفر ...وقبل ما تطلعه قام اللاعب وشات الكوره بعيد...وهي تستحق كرت اصفر طبعا..فهل تنذره على الاول والثاني وبالتالي تصير حمرا.. او انك تعطيه الاحمر مباشره ..او تكتفي بالاصفر مره وحده..

اتوقع كل الحالتين يصلحون .. لكن أنا راح أعطيه بطاقه حمراء على طووول

إقتباس 2- في ضربات الجزاء الترجيحيه..اللاعب سدد وضربت الكوره بالعارض وارتدت منه ..ولكن الحارس الله يهديه مع نقزته طقت الكوره فيه وخشت قول...فهل تحسبها هدف او لا..مع العلم ان ضربات الترجيح هي ضربه وحده فقط فارتدادها ممكن يكون معناه انتهاء الفرصه كهدف ولا كان ممكن ان الكوره لما يصدها الحارس يرد ويكملها اللاعب اللي سددها..

طبعا بأحسبها قول بدون تردد لأن اللاعب اللي سدد الكوره لم يلمسها مره أخرى

إقتباس 3- الكوره في الطريق للمرمى وخلاص قول قول .. والا انه المدافع يطير للكوره ويصير حارس ويطقها بايده..ولكنه حارس فاشل فضربته باليد كانت خفيفه وخشت القول..خلاص الكوره هدف وانتهى الموضوع..ولكن هل بتحاسب المدافع على اللي سواه وتطبق فيه القانون وكرت احمر بحكم ان نيته كانت واضحه او تكتفي بالاصفر ولا انك تحسب هدف وخلاص ..

الحاله هذه صارت قبل كم شهر

في مباراة قمة الدوري الكويتي بين : القادسيه vs الكويت

الكوره كانت كانت ركنيه وضربها المهاجم القدساوي برأسه عدت الحارس

شفت المدافع الزاحف يطييير للكوره ويمسك الكوره بس انها فلتت ودخلت قول

الحكم حسبها قولل بدون ماحتى يكلم المدافع

أنا في رأيي الحكم أخطأ

اللاعب كان قصده يمنع الهدف فهو يستحق بطاقه حمراء

مثل ذلك اذا كان هناك فاول في هجمه خطره واعطى الحكم إتاحة الفرصه

ومرتكب الخطأ يستحق بطاقه بعد ماتنتهي الهجمه يذهب الحكم للاعب ويشهر له البطاقه

إقتباس 4- هجمه خطيره والمهاجم يعدي من اخر مدافع بوسط الملعب وينطلق للمرمى وانت جاي من بعيد والا انك تشوف المدافع طاح وبدون حراك ..مغمي عليه والمهاجم مع الحارس وبيعدي منه وانت خايف على اللي صار للمدافع..فهل توقف اللعب وتسعف المدافع او تخلي المهاجم يكمل مهمته اول وبعدين تشوف ايش صاد المدافع..

طبعا أعطي الفرصه للمهاجم

لأن هناك إحتمايه أن المدافع يمثل على الحكم لإيقاف الهجمه

إقتباس 5 - لاعب تكرهه كره غير طبيعي والكوره معاه ويشوتها بكل قوته ...وان الكوره جايه بوجهك وعافسه خشمك... تاخذها بشكل طبيعي وانها غير مقصوده او انك تستخدم سلطتك للانتقام من اللاعب ...

لا اعتبرها غير مقصوده لأن التحكيم يجب أن يكون بعييدا عن المشاعر ..

بس لو كان جرافيسن يكون كلام ثاني