| يعطيك الف عافيه اخوي ريدزاوي ومشكور على كسر الروتين من خلال هذا الموضوع والاسئلة الخفيفة وهنا قراراتي التحكيمية في هذه الحالات ،،،
1- لاعب دخل بعنف على لاعب وكان في اقل الاحوال يستحق كرت اصفر .. فانت صفرت و رحت تجري للاعب وحطيت يدك في جيبك بتطلع الكرت الاصفر ...وقبل ما تطلعه قام اللاعب وشات الكوره بعيد...وهي تستحق كرت اصفر طبعا..فهل تنذره على الاول والثاني وبالتالي تصير حمرا.. او انك تعطيه الاحمر مباشره ..او تكتفي بالاصفر مره وحده..
اتوقع ان اللاعب لما شات الكورة تعتبر جزء من اللعبة السابقة يعني راح ياخذ كرت اصفر وخلاص لانه مو معقول تعطي لاعب انذارين على لعبة وحدة .
2- في ضربات الجزاء الترجيحيه..اللاعب سدد وضربت الكوره بالعارض وارتدت منه ..ولكن الحارس الله يهديه مع نقزته طقت الكوره فيه وخشت قول...فهل تحسبها هدف او لا..مع العلم ان ضربات الترجيح هي ضربه وحده فقط فارتدادها ممكن يكون معناه انتهاء الفرصه كهدف ولا كان ممكن ان الكوره لما يصدها الحارس يرد ويكملها اللاعب اللي سددها..
اللي اعرفه انها تحتسب هدف لو ضربت في الحارس ورجعت للمرمى .
3- الكوره في الطريق للمرمى وخلاص قول قول .. والا انه المدافع يطير للكوره ويصير حارس ويطقها بايده..ولكنه حارس فاشل فضربته باليد كانت خفيفه وخشت القول..خلاص الكوره هدف وانتهى الموضوع..ولكن هل بتحاسب المدافع على اللي سواه وتطبق فيه القانون وكرت احمر بحكم ان نيته كانت واضحه او تكتفي بالاصفر ولا انك تحسب هدف وخلاص ..
تحتسب الكورة هدف ويعطى اللاعب كرت اصفر وليس احمر لمحاولته منع الكرة من دخول المرمى حتى لو كان متعمد يطلعها من المرمى لكنه فشل ودخلت هدف تعتبر في حكم المحاولة .
4- هجمه خطيره والمهاجم يعدي من اخر مدافع بوسط الملعب وينطلق للمرمى وانت جاي من بعيد والا انك تشوف المدافع طاح وبدون حراك ..مغمي عليه والمهاجم مع الحارس وبيعدي منه وانت خايف على اللي صار للمدافع..فهل توقف اللعب وتسعف المدافع او تخلي المهاجم يكمل مهمته اول وبعدين تشوف ايش صاد المدافع..
الحكم له حق ايقاف اللعب في اي لحظة لكن حسب الظروف يعني اذا كان اللاعب اللي طاح فريقه متقدم وشايف اللاعبين يضيعون الوقت كل شوي فانا راح اعتبرها تمثيل زي اللي قبل وامشي اللعب ، لكن لو كانت في بداية المباراة ممكن اوقف اللعب على طول حتى لو كانت حالة انفراد .
5 - لاعب تكرهه كره غير طبيعي والكوره معاه ويشوتها بكل قوته ...وان الكوره جايه بوجهك وعافسه خشمك... تاخذها بشكل طبيعي وانها غير مقصوده او انك تستخدم سلطتك للانتقام من اللاعب ...
اتوقع اني راح اخذها على انها عفوية وغير مقصودة مادام انها ماجت بسبب ردة فعل او احتجاج على قرار للحكم ولكن لو كانت احتجاج او زعل من اللاعب هنا ممكن اعتبرها بحكم المتعمدة .
مشكور مرة ثانية واهنيك على هذه الفكرة الغير المسبوقة بمثل هذا النوع من المواضيع ،،،  | 