إقتباس الرسالة الأصلية كتبت بواسطة S U L A I M A N ياحبيبي شلون تفضل الرد بالرابطة .. يعني ترد على الأسئله النقاشيه هنا .. ! وش استفدنا طيب !! أجل مهب لازم يحطون منتدى .. كلنا نتكي بالروابط وننعزل ولا نعرف احد ولا نتناقش ولا شي .. كذا تبي يعني .. ؟

والله ياان بعض الاسئله النقاشيه تسوى ثلاث ارباع منتدى العالميه .. مايمديك تاخذ وتعطي في موضوع الا ... عفوا الموضوع مغلق .. لذلك ياحبيبي هنا محد يغلق علينا شي وكل واحد يرد لين يطيح اللي براسه

إقتباس الرسالة الأصلية كتبت بواسطة S U L A I M A N ثاني شي وشي الأسباب الي ماتخليك ترد .. قلها هنا عادي .. بس قلها باسلوب محترم بس أدري انك تبي تتفلت بالمسن علشان كذا أبيك ترد هنا وماينمنع توضح اكثر بالمسن :p

انت تدري ان اسلوبي مهوب محترم لذلك ارجوك لاتعيدها وتجرح مشاعري

إقتباس الرسالة الأصلية كتبت بواسطة S U L A I M A N لو على كلامك كان مفروض يحطون التقديم وخلاص يقفلونه .. مهب لازم احد يرد ولا يناقش ولا يسأل ولا يبارك بالفوز ولا ولا ولا .. كذا تبي يعني .. ؟

ليش يحطونه من الاساس طيب ..

خلاص اجل يقفلون الروابط عشان نبارك هناك ونحط اخبار في العالميه ونتدابج لين نقول امين

إقتباس الرسالة الأصلية كتبت بواسطة S U L A I M A N هذا من ناحية .. اما من ناحية الحجز وماحجز فـ الجولات مافيها حجز ياحبيبي .. الي يبي يقدم يقول للمسؤول عن التقديم ويرد عليه المسؤول وانتهينا ..

وهذي ماتسمى حجز يا اسد !! .. كون انك ترسل لشخص عشان تسوي هالشي فهذا معناه انك تحجز

قبل فتره ماكان فيه سالفة ارسل لمسؤول التقديم هاللي توه طلع لنا ... والا انا غلطان ياسليمان ؟

اذا انت ناسي اذكرك بتقديمات ساحر الحرف اللي دايم يسويها بدون لايقول لاحد وانت يالمسكين تعبان ومجهز نفسك

طيب افرض انك ياسليمان ارسلت لمسؤول التقديمات الصبح تبي تقدم جوله وجيت انا وارسلت له العصر عشان اقدم وش بيكون رده علي .. بيقول ان سليمان حجزها قبلك

تبا لك

إقتباس الرسالة الأصلية كتبت بواسطة S U L A I M A N ومن ناحية الإجبار فـ ماحد أجبر أحد للرد والمناقشه .. الدعوه كلها مناقشه وأخذ وعطاء بس .. والموضوع ماحط الا لـ هالشي ترى

كون انك تجي وتمحط لنا رد وفيه رابط وتقول ليش ماتشاركون وش معناه ذا .. لاتستغل اني نعسان وتبي تلخمني

إقتباس الرسالة الأصلية كتبت بواسطة S U L A I M A N بعدين مافيه زعل ولا شي .. وش دخل الزعل بالموضوع .. الموضوع مناقشه ياحموده مهب مضاربه :p

انت تقول تحرجوني مع الشباب .. معناه ان هالشباب اللي يقدمون يجونك ويقولون ليش حقين برشلونه مايردون

مالها تفسير الا كذا .

اما المناقشه فهي بمنتدى العالميه بنظر بعض ناس معناها مهاوش ونهايتها نفس السبب اللي فوق

( ضف وجهك .. الموضوع مغلق )

إقتباس الرسالة الأصلية كتبت بواسطة S U L A I M A N وش علينا من العالميه !! اجل يسكرون منتدى العالميه أزين :p بعدين اذا كل الناس قالوا مثلك فـ على الدنيا السلام .. بعدين ليش عشاق البرشا ماعليهم من الأشياء الثانيه ! وش يفضلك عنهم يعني

مهيب مشكله عندنا منتدى الروابط .. اجل وشهوله فاتحين لكل فريق رابطه مهوب عشان نتناقش في اوضاع فريقنا << ترى هالاقتباس عشان كلمة اوضاع .. انا مالي شغل بالعالميه الا في حال ان احد مهوب مشجع لفريقي ويجي يستضرف بموضوع ويقلل من قيمته .. انا في هالحاله مالي الا انبرش عليه بحكم تعصبي لفريقي


لاعمرك تعزم على مواضيع ثاني مره والا بنكب عفشك في اقرب فرصه