كح كح كح كح كح ..

<< طلع من الدرج بخاخ الربو من قو العج

الله المستعان بس ..

اكثر افلام كرتون << << الى الحيين هــ الاسم ناشب براسي .. كل ما شفت حلقة له وانا صغير اقعد اصيح هو بشار يا بشار هيا الى العمل ..

كابتن ماجد .. ما تلاحظون شي في هـ الكابتن .. .. كل ما استلم كورة من حارس فريقه وراح يشوتها ع الخصم يقعد عشر طعش حلقة وهو يركض ويهوجس داخل الملعب ..!!


بس كان يشوت شوتات مهيب صاحيه .. اذكر مرة اني شفت حلقه له يوم جاب هدف موب صاحي قعدوا ثلاث حلقات وهم يعيدون هــ الهدف <<< تسذوب

فلووونة .. الله يصبر الارض بس عليها .. .. اذكر انه اذا جاء هــ المسلسل خواتي وبنات عمي يجتمعون في بيتنا عشان يشوفونها .. <<< يقالهم حماس .. اجي انا وبكل لعانة .. اطفي التلفزيون وانحاش ..




هايدي الجميلة .. الى الحيين وراسي يوجعني من كثر ما تقول جديييييييييييييييييييييييييي ..


لو تلقى نملة قامت تصاارخ جدي جدي ابثرتنا الله يصلحها



بباي .. ومن منا لا يعرف هــ النصاب .. الي عضلاته كبر جبهة زوجته

سالي .. الله يقلعها .. تصدق اني اكرهها كره .. كل حلقة لازم تقعد ربع ساعة تصيح ..


الننيجا .. فلة ذولا .. عليهم جريات مهيب صاحية .. اذكر اني اشوفها واروح اطبقها ع اخوي .. << < بغا يذبح اخوه


عبقور .. هذا الي شي تبيه تلقاه في مخباته .. عبقور شفت له يمكن 10 حلقات ثمن سحبت عليه ..

عدنان ولينا .. دشروا بزرانا وبس هــ السرابيت .. بس اطلق شي المنسم عبسي


زورو .. الى الحيين وانا اذكر حركته المشهورة الي هي حرف الــ Z اذا فقع له وجه واحد حط هــ العلامة ع جبهته



بس المسلسل الي الى الحيين اقدره واتابعه هو توم وجيري .. انواع الهبال وانواع التنسيم .. .. ولا يهون بعد المحقق كونن .. والله الى الحيين فيه بعض المسلسلات الكرتونية تجبرك حتى وانت شايب انك تتابعها ..

بس ما شاء الله عليك اخوي المشاغب الى الحيين وانت تذكر هــ الافلام كرتون انا الي اذكرها الي قلتها لكم فوق .. اما باقي الافلام كرتون اذكر شي بسيط منها .. يعني حلقه اذكرها وحلقتين لا ..



المهم الله يعطيك العاااافية يالغالي ..