نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - بعد التمرين ( ضحك سامي/عصبية الدعيع/تفاؤل نواف / التايب والبلوي) بالصور

د.غازي · #1 09/05/2007, 09:39 AM

السلام عليكم ورحمة الله وبركاته

إخواني أعضاء الزعيم , كيف حالكم اليوم ؟

طبعاً رحت التمرين أمس وما كان مغلق مثل ما اعتقد بعض الأعضاء فى موضوع طرح ليلة البارحة , المهم كان التمرين عادي جداً وما كان فيه إي تكتيك , مدرب الكويت الكويتي كان جالس بسيارة بعيد ويعس , على أساس انه ماحد شايفني , بس ندري عنك يالدايخ.
وكان فيه اداري من نادي الكويت قاعد يراقبهم من قريب , بس ماكان لوجودهم اي فايده لأنه التمرين كان لياقي بس ماكان فيه اي جمل تكتيكيه ( طبخها باكيتا من الرياض).
المهم لعبوا مباراه خفيفه وماكان فيها اي خشونه , سجل فيها التمياط هدف روعه , والتايب جاب هدف وصار يجري فرحان وشال التيشرت ضحكنا ضحك مابعده ضحك .
والدعيع لعب مهاجم و جاب هدف عالمي بالراس , وطار من الفرحه .والخثران جاب هدف صاروخي.
المهم التمرين استمر حوالي الساعه والنص , وبعدها طلعوا وراحوا الفندق , وكانت الجماهير منتظرتهم هناك
طلعوا للغرف , وبعد حوالي نصف ساعه نزلوا , كل اثنين مع بعض واحيانا كل ثلاثه مع بعض.
وكانوا يتهربوا من المشجعين ( بيني وبينكم بعض المشجعين يغثون , طيب يا أخي صورت صوره , ليش تبي اكثر , مو فاضيلك اللاعب)
المهم نزل الدعيع , وما ادراك ما الدعيع , اجاه المشجعين ثقلوا عليه , عصب عليهم هربوا من الخوف , خافوا منه رسمي , يستاهلون.
طبعاً التايب ونواف ما تفارقوا , ونواف كان متفائل جداً , قلتله محتاجين منك هدف مثل اللي فى التمرين , ضحك وقال ان شاء الله.
التفوا المشجعين عالتايب , يقولوله نبي كعوب , نبيك تتعبهم , وطلع ولد صغير من بينهم يقوله طارق طارق لو كلمك البلوي لا تروحله راهو مو زين , واحنا حبيناك. :p
سامي عساها الضحكه دوم , سامي طول فترة العشا ما وقف عن الضحك , ومعاه الغامدي , ضحك مو طبيعي
وبعد العشا قعدنا شوي , الا يجي المترجم المغربي , يقوللهم عندكم اجتماع الساعه عشره

واليكم بعض روابط صور التمرين مع انها مو واضحه كثير ( الكاميرا لا عرفتها زينه ولا عرفتها مقلب)

http://www4.0zz0.com/2007/05/09/06/61565822.jpg
http://www4.0zz0.com/2007/05/09/06/71290044.jpg
http://www2.0zz0.com/2007/05/09/06/65146961.jpg

د.غازي