باك

أعتذر على تأخري وتفويتي لفرصة الحجز

لكن قدر الله وما شاء فعل


هلا وغلا... بأبوالرقة والحنان والطعمية البلدي :p

يا أخي أنا أحبك مدري ليه؟..!! المشكلة أبي أعرف وش اللي بخشتك ينحب.. بس عجزت ألقى

بس اللي أعرفه أني أحبك

إقتباس لأن الاعتقاد السائد وقتها أن أي شيء " يخرب " الكمبيوتر

تصدق بالله أخوي عبدالملك.. أن مدرس الحاسب بأول ثانوي.. أول ما علمنا الحاسب من أول حصة كان يقول لنا:

"محدّش يحرك الكمبيوتر.. ده ممكن ينفقر عليكو"

والله ثم والله أخوي عبدالملك.. أن هالمعلومة رسخت براسي أن الكمبيوتر بينفجر لو طاح أو حركته بقوة.. وكنت أعامله

بحذر دائم إلى ما قبل سنة أو سنة ونص.. لما أخبرني زميلي أن المدرس يكذب علينا عشان ما نخرب كمبيوتر المدرسة

وأن الكمبيوتر ما ينفجر حتى لو تكسر

رح شف وجهي قدام خويي وهو يضحك علي بقوووة حسبي الله على هالمدرس اللي خدعني حتى وصلت

للجامعة وأنا مخدووع

إقتباس تخرجت وجاء التعيين في المنطقة الشرقية ..وذهبت هناك لألتحق بأخويّ اللذان سبقاني هناك كان ذلك عام ( 1420هـ )..

أجل بالشرقية تعينت؟ أكيد مالكم غنى عن الشرقية .. مصيركم ترجعون لها يا أهل الرياض ;)

إلا ما قلت لنا بأي مدرسة درست بالشرقية؟

إقتباس ( وكانت المقاهي وقتها تعد على الأصابع ) المهم أننا قررنا الذهاب إليه لنرى هذا العالم الذي شغل الجميع ..!!

أفاااااا

طلعت من رواد المقاهي؟ لا حول ولا قوة إلا بالله

الله يهديك.. ويصلح قلبك..! :p

إقتباس مرت الساعة مرور الكرام ..لا ندري ماذا دخلنا وأين ذهبنا .. ( مواقع متفرقة لا أذكر منها إلا مكتبة الكونجرس .. ) ولكن بقيت لدينا طموحات كبيرة عن هذا العالم ..

خخخخخخخخخخ

حلوة الكونجرس

والله لو أنكم القاضي وأبوريمان وباقي مثقفين المنتدى كان قلنا معقولة تطلع لكم مكتبة الكونجرس

أما أنتم..!! فمعروف وش داخلين له وش تدورون

إقتباس كانت الطريقة أنك تكتب أربعة يوزرات وبعد يوم يتصلون بك ليخبروك أي تلك اليوزرات هو من فُعل لك ..( عصر السرعة ..)

أنا اشهد أنه عصر السرعة :p

إقتباس كنت أسمي نفسي بـ ( البارق ) وإن وجدت هذا الاسم محجوزًا أزيدها بـ ( 2000 ) .. أدخل للمنتديات الرياضية ولكني اصطدمت أكثر من مرة حين أرى طريقة نقاشهم .. لأن المنتدى رياضي عام وبه من جميع مشجعي الأندية لذلك ( حومت التسبد ) هي التي تسود وأجد نفسي خارجًا منه ..

تصدق أخوي البارق... أني أرجع للمواضيع القديمة من عام 99 و2000.... وألاحظ أن تحتوي معلومات قيمة نجهلها ولا

نتحدث عنها في المنتديات هنا..!! ولكن كما قلت أنت.. أسلوب الحوار لديهم غير جيد..!

إقتباس أخذ يتكلم عنها ويمتدحها وأنها خاصة بالهلاليين فقط .. وبعد الإجازة بحثت في الانترنت عنها فوجدتها وبكل تأكيد سجلت فيها باسم البارق ..وجدته محجوزاً فأكملتها بـ 2000 ..

نفس السؤال اللي قالته (الملكعة) :p فرصة ضايعة: وش صار على البارق الأصلي؟

سؤال مهم يبحث عن إجابة.. هل طردت المسكين؟

أنا أتوقع أن البارق الأصلي قد ترك المنتدى منذو مبطي... فقمت أنت تهكّر على نكنيمه وتغيره.. ثم حطيت اسمك مكانه <<< وش رايك بالمحلل الاستراتيجي؟




والله أنت عجيب ما شاء الله عليك غريب ما وصلك اليأس..!!

ما شاء الله قمت تواصل الكاريكاتيرات وأنت ما تدري وينها؟

<<< يتخيل شكلك وأنت تحط الكاريكاتيرات وتجي متحمس من الدوام تبي تشوف التفاعل.. وبالأخير ما تلقاها

إقتباس استمريت على هذا الحال .. حتى جاءتني رسالة من ( أبو ناصر ) مشرف منتدى الجمهور حينها ..مفادها .. أن أكتب الموضوع في المجلس العام لأنه هو المخصص لهذه المواضيع وحتى أتفادى نقله في المستقبل ..!!! استغربت كثيراً وحاولت أن أقنع أبو ناصر بكتابته في الجمهور ( لأن غيره لا يعنيني وقتها ) ..ولكن دون جدوى ..فمن باب مكره أخاك لا بطل بدأت بكتابة نفس الموضوع في المجلس العام ..

لو أنه واحد من مشرفينا الحاليين مكان أبوناصر كان على طول باااند ولا إيقاف 6 شهور :p

مشرفينا الحين ما عندهم وقت.. احمد ربك أنه أبوناصر اللي مرسل لك مهوب مستر قوول

إقتباس أعجبني الجو في المجلس العام .. وكأننا أخوة في منزل واحد ..هذا ما ميزه عن غيره .. وهذا ما شجعني للاستمرار فيه حتى أنه أخذ معظم وقتي ..فمنتدى الجمهور للأخبار فإذا انتهيت منها ذهبت مباشرة للمجلس العام ..

نفس الشعور والله..!!

إقتباس يعني نقدر نقول .. حبي تيماوي ..أول شخص عرفته وكلمته من خلال النت ..

زين ما سوى

إقتباس أجمل ما في الإشراف أنني تعرفت على أناس عدة وهم رجال حقيقيين كل ذلك حدث بعد الإشراف ..طبعاً حبي تيماوي تعرفت عليه قبل الإشراف وربما هو الوحيد .. بعد الإشراف تعرفت على أبو سليمان حبيبنا .. ثم هلالي الجوف ..

يا كثر ما تعرف ما شاء الله اللهم زد وبارك

إقتباس في نهاية السنة وبحكم إجازتي ( قبل الناس ) ذهبت للرياض وشاهدت احد المباريات عن أخي هناك .. ومن محاسن أو مساوئ حتى الآن لم يتبين لي .. وهي أنني قابلت الغريب .. كان وقتها عضو عادي ..طلب مني توقيع ولكنني رفضت .. <--- هالفقرة نصبة بس عشان يضبط السيناريو ..

تعجبني

رديت الضربة .. بضربة قاضية

إقتباس صدى الأمس أو صدى الدجة .. أو العميد .. <--- لا عادت على هالعمادة اللي ما شفناه عقبها ..

اي والله... بعد العمادة صار يتغلى

بعدين ما لقيتوا إلا لقب العميد؟ الحين بينقلب صدى الدجة تكروني ولا تشادي :p

لو حطيتوه الزعيم.. كان طلع أحلى ;)

إقتباس شهادة لله .. ما توقعته مثل ما شفت .. ليتنا على اسمه وكتاباته ونقدر نقول بعد صوته ..لا شكله ماهوب لم جادة ..

حللللللللللللللوة

إقتباس [CENTER]فرصه ..صاروا 37 .. وتراهم أكثر بعد ..

كفوو ... اقهرها الملكعة

بس قل ما شاء الله... ترى ما يحسد المال غير راعيه..!

الناس اللي كلمتهم ولا قابلتهم كثير .. لكن ممكن أبرزهم أبو حتوم سهل .. والأديب أبو عبدالله القاضي ..

يا حليل القاضي... ودي أشوفه بس.. يا حبي له

أما سهل:

فبرضووه يا حليله .. مشرفنا وش يعني تبينا نقول؟ :p

إقتباس لكن الآن والحمد لله الأمور على ما يرام ولا أفكر حاليا بهذا الشيء ..وأدعو المولى أن يكون اجتماعنا هنا اجتماعاً مرحوماً ..

آمين يا رب..!

إقتباس بقلم الكاتب المحبوب : البارق مشرف منتدى المجلس العام

الله يعطيك مليون عافية يالغالي على قصة حياتك الانترنتية الممتعة..!! أمتعتنا وأسعدتنا بخفة دمك..!

ونتمنى أن تكثف من حضورك في المواضيع المطروحة بالمجلس العام... مو بس مواضيع التدريس اللي ترد عليها بس

المهم:

اعذرنا على التأخير.. وعشان هالتأخير طولت لك بالرد... يالله بوس يدينك مقلوبة بعد أني رديت

تقبل تحياتي..!!

=================================

إقتباس إقتباس وانتظرونا مع ضيفنا القادم في ( حياة @ نت ) وهو أديب المجلس العام والخنفشاري الكبير .. ماجد مقبل

يا سلاااااااااااااام عليكم

أحسنتوا الاختيار

بس واللي يرحم والديكم عجلوا علينا.. نبي نتعرف على هالخنفشاري الكبير

==================================

إقتباس فكرة : الماسه الزرقاء أخرجها لكم على الهواء مباشرة / سهل

مساميسو..... سهلول..!!

لا هنتوا يا مبدعين... الله يحفظكم ويوفقكم..!!

شكراً لكم من القلب على جهودكم المبذولة..!!

تحياتي..!!