نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

^ازرق وقلبي ابيض^ · #1 27/04/2007, 02:56 PM

تفاريس ..

يعجز اللسان عن الوصف ..
ويعجز القلب عن تبيان مافي القلب من حب ..
وتعجز المشاعر وتعجز الأحاسيس عن تحمل مافي الروح من إعجاب وتقدير ..

مقدمة ياني تعبت عليها تعب << تعب القص واللصق والله

المهم مالكم بالطويله الزبدة يا حبايب قلبي اني فكرت لازم نعبر عن حبنا وتقديرنا لتفاريس بشيء ..
والمهم وأنا اروح واندس تحت الدرج لحالي << عشان يفكر بينه وبين نفسه
وأنا اقعد افكر وش اهديه ياولد وش تعطيه ..
قلت مالي غير أشتريله رنج روفر بس فكرت بعدين لا لا أبي شيء أكبر وشيء اثمن وبعدين أخاف اذا اشتريته له مايعرف يسوقه << اخس يالرنج مايعرف يسوقه هاه

يلعن أبو الاعذار ..

وأرجع أفكر ثاني مره قلت ياولد مالك غير تعطيه فلوس بس فكرت فيها قلت لا فلوس تحسه كأني تصدق عليه وبعدين أبغى شيء أثمتن و أغلى <<< والله من الطفره عندك

وبينما أنا مستلقي على بطني أفكر << يلعن أبو الفصحى

ألا وتطري على بالي فكره جهنميه << الله يخارجنا من أفكارك

قلت ايه هذي هي اللي تعبر عني وعن حب وعشق جماهير الهلال لتفاريس ..

هديتي هي ....

وش تتوقعون من قروي عنده في بيته فوتوشوب ؟؟؟؟؟؟
وهو فيه غيره حبيب قلبي التصميم

<<<<<< حسبنا الله ونعم الوكيل يعني اخرتها تصميم

ايه انتم السبب سويتلكم تصميم التميس الأخير وطيرتوني في العجه

..

وماعاد أشوف الناس قدامي شيء ولاعاد أكلم أخواني ألا من راس خشمي تقول جايب جائزة نوبل للكيمياء << ابي افهم وش دخل الكيمياء بالتصميم

وبعدين ترى كل يومين بسدحلكم تصميم يعني مافي فكه <<< والله من النشبه

عاد من زين التصاميم

أنا عارف انكم كلكم راح تبونه تواقيع عشان كذا اللي يبيه يحولي ريالين عالحساب

لا لا عن جد خزو راحتكون حبايب ألبي << أخس ياللبناني