نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

هلاليه@ميلانيه · #15 18/04/2007, 07:52 PM

إقتباس


	الزبدة سافرنا سافرنا للقصيم عارف بيجيني واحد ملقوف وبيقولي وين رحت بالقصيم؟ وبقوله رحت لم رياض الخبراء

والنعم والله بولد ديرتي القصيم وديرتي رياض الخبراء

إقتباس


	وعارف بيجي واحد ثاني ملقوف وبيقولي وين رحت برياض الخبراء عند خوالك ولا عمانك؟ وبقوله رحت لم خوالي يابثرررر ياقرمبع

هههههههههههههههههههههههههههههههههههههههههه

والنعم بك وبخوالك والله ....

إقتباس


	على طاري القهوه ذي مره واحد من الشباب دق علي قالي وينك يابو الشباب قلتله والله قاعد في القهوه مع جدي قال اخسسسسسسس جدك يعسل قلتله لا وازودك من الشعر بيت يحشش بعد عاد في الاخير فهمته ان خوالي يسمون الملحق قهوه ^ ^ تبهييييير

ههههههههههههههههههههههههههههههههههه

ذي والله خطيييييييره

إقتباس


	المهم وانا قاعد في القهوه وبهدووووء تام وبسعة صدر وانواع الهواجيس الا ويجيني ذاك الجيش اللي عددهم حوالي 77 دولار واحد ماشاء الله

ماشاء الله تبارك الله ..

.

الله يحفظهم

إقتباس


	قلت ياولد ليه ما اجمعهم واقعد اقصلهم قصص المهم اني جمعتهم كلهم وقصيت لهم قصة ام العنزين وقصه ام العنزين هذي مأخوذه من الادب القصمنجي القديم

ياحليلك والله انك رااااااايق ....:p

إقتباس


	ابقصها لكم بأختصار واللي يبيها كامله يراجع اقرب عجوز قصمنجيه تقولها له القصه تقول: (ام العنزين جابت تيسين واحد حسن وواحد حسين قالتلهم امهم بأروح لم البقاله وانتبهوا تفتحون لاي احد المهم ان العنز طلعت وبعد ماطلعت طق واحد الباب طبعا التيوس ماسمعوا كلام امهم وفتحوا الباب ويوم فتحوا بيشوفون من اللي يطق طلع الذيب ومسكهم اثنينهم وزرفهم وانحاش من البيت ويوم رجعت الام من البقالة ومالقت عيالها عرفت ان الذيب اخذ عيالها عاد طلعت ولحقت الذيب ودبجته ورجعت عيالها ) هذي هي القصه بأختصار ولا هي فيها اكشن كثير وحماس

الله يرحم أيااام زمااااان يوم كان ابوي يقصه عليناااااااا

إقتباس


	اللي بغيت اوصله لكم ترا الطق والتدبيج ماينفع مع البزران

ايييه والله انك صاااادق وانا من زماااان وانا اقوول كذا

إقتباس


	اذا ازعجوك وسوولك قلق العب عليهم بكم قصة وياحبذا يكون في القصه مضاربات وراح تستفيد من ناحيتين الفايده الاولى انك خليت البزران يسكتون والفايدة الثانيه انهم بيحبونك لانك عطيتهم وجه وقعدت تسولف معهم ولاتفوتكم سواليف البزران تراها بعض المرات احسن من سواليف الكبار بمية مره

اييييييييييه والله انك صادق

إقتباس


	واتمنى ان القصه تحوز على رضاكم ولكم خالص تحياتي....

والله انا حازت على رضاااااااااي مرررررررره

وتسلم والله

ولاتحرمنا من مواضيعك الحلووووه

يعطيك العاااافيه اخوووي