| باولو مالديني " مانشستر مهو مثل اول الحين متطور "
سوت مجلة الويفا لقاء مع اسطورة ميلان وايطاليا واوروبا غصبن عليكم باولو مالديني .
بداية اللقاء تكلم عن ميلان وعقليته في المباريات الكبيره
" يقول حنا كنا محتاجين الفوز وكنت ضامن اخوياي بالملعب لأني اعرف طينتهم زين وكان مانشستر يحسب انه بيقابل بايرن ميونيخ بعد مباراة الذهاب "
بعدين سألوه عن فيرغسون وسبب تواجده بالملعب في مباراة الميلان والبايرن .
" يقول مدرب مانشستر عنده تخوف من الاسلوب الإيطالي لأنه سبق وسبب له أزمه قبل سنتين يوم اننا طلعناه من دور الـ 16 بهزيمتين "
بعدين تكلم حول قوة مانشستر وصكهم لروما 7
" قال مانشستر يونايتد له سنتين متطور وكريستاينو وروني ادائهم رائع .. لكن الأول ( اللي هو كريستيانو ) مهبول  وفريقهم الحين قوي ولعبهم سريع وتبي تكون مباراة صعبه بس حكاية انهم يهزمونا 7 بدري عليهم  لأننا مختلفين عن روما ونبي نروح للأولترافورد بمعنويات عاليه وبشخصية ميلان العظيمه "
بعدين تكلم حول جاهزيته وانه مايقدر يلعب مباراتين ورى بعض طول العمر
" يقول ابستمر ألعب وبالأرض الإنجليزيه المباراة بالنسبه لي شبه نهائي عشان كذا بعطي اللي عندي "
بعدين تكلم عن وجود ميلان بين الفرق الانجليزيه
" يقول هذا وقت الانجليز وحنا لنا 20 سنه ومكاننا هنا وهالشي يخليني افتخر لأني من 88 وانا اقرقع باوروبا "
وسامحونا على الاسلوب الساخر .. حبينا ننوع من اسلوب الترجمه | 