يعجبني الواثق من نفسه واللي ينظر للأمام وللأمام فقط .
كلامه منطقي ومعقول عن المصيبيح واللاعبين ..
من الطبيعي لأي مدرب عالمي صاحب اسم وتاريخ ماراح يخلي احد يتدخل بعمله ..
ومن الطبيعي انه مايقدر يلعب بأكثر من 11 لاعب بالملعب .. وهو أدرى بكل لاعب حسب خطته وحسب وضع الفريق المقابل .. وحسب الجاهزية الفنية والطبية .
حسيت من هاللقاء ان عنده شي ويبي وقت ..
وياليت يستمر على رأس الادارة الفنية بالهلال لأكثر من موسمين .
لأن من مشاكل الأندية السعودية والمنتخبات مشكلة تعاقب المدربين ...
والاستقرار الفني عامل مهم بنتائج كل فريق .
وتعبنا من سالفة مدرب راح ومدرب جا .. مدرب وقع ومدرب ماوقع .. ومدرب يبي مقدم عقد ومدرب يبي شرط جزائي .
وبصراحه .. ماتوقعت ان ماتورانا يرجع للهلال بعد ماراح للمونديال ..
لأني فقدت الثقة بكل المدربين ..
لكن الحمدلله اللي خاب توقعي
على كل حال الله يوفقه ويوفق الزعيم يوم الجمعه .
والله يوفقك يابو مشعل على نشر هاللقاء