مشاهدة مشاركة بصفحة مستقلة
  #9499  
قديم 13/04/2007, 05:44 AM
زعيم اندية اسيا زعيم اندية اسيا غير متواجد حالياً
زعيــم نشيــط
تاريخ التسجيل: 21/04/2005
المكان: Canada
مشاركات: 636
مشكوووووووووووووووووووورين ياشباب على التفاعل الكبير ..
بصراحة مليت من كثر الصفحات اللي راحت علي

امزح لاتصدقون ،،

بعض التعليقات:


_ لا اتوقع رحيل موري هالموسم ،، وان شاء الله بيقعد الى نهاية عقده ،، ومو مشكلة لو ماحقق الأبطال هالسنه لأنه قادر على ان يحققه في المواسم المقبلة. ،، بس اهم شي الراس الكبير مايزعل ويشوته مثل ماشات المعزبة

_ كريسبو اتمنى وجوده بصراحة كلاعب فنان وقناص وغير كذا ماعندنا راس حربه ممتاز الا دروقبا وشيفا والباقين ماينفعون كراس حربة او منهين للهجمة ،، لكن البلى انه مايبي البلوز ،، او بالأصح مرتاح جداً في ايطاليا وهذا الشي بيأثر على مستواه لو جاء للبلوز..

_ بالله واحد مثل ايالا وخشونته الزايدة يستحق انه يكون ضمن تشكيلة الاسبوع؟؟ وان كان يستحقها معنى كذا ان دروقبا المفروض يكون موجود لأنه تفوق على ايالا في التحدي اللي بينهم.. وديل هورنو وهياطه ما ابي اشوف رقعه وجهه مرة ثانية هالنكبة

_ ودي بين الشوطين اكون عند موري واعرف وش يسوي باللاعبين ،، ماشاء الله عليهم الاَداء يكون مو طبيعي ،، ياليت كل المباريات شوط ثاني

_ اوبي مايكل وديارا ،، هاللاعبين عندهم موهبة كبييييرة ،، واداء قتالي ،، ديارا ماشاء الله عليه يلعب في عدة مراكز وغير كذا سد الضعف اللي في مركز الظهير الأيمن ،، اما اوبي مايكل يعجبني لعبه بصراحة وواثق وكأنه عنده خبرة ومتعود يلعب مباريات كبيرة ،، وبنيته الجسمانيه قوي مرة ،، (وكل خوفي يرجعون للاحتياط وماياخذون فرصتهم بعدين)..

_ لامبارد اتوقع من الضروري جداً انه يرتاح ،، مستواه نازل بشكل ملحوظ ،، واتوقع وجود بالاك لايسبب مشاكل للفريق اذا غاب لامبارد لأن اسلوبهم متشابه في اللعب ،، رغم ان المباريات الجاية كلها قوية ولازم الفريق يفوز فيها..

_ اَاَاَاَاَاَاَاَه يا ايسيان ،، والله قهرررررررر ما يلعب قدام ليفربول ،، بصراحة بيكون غيابه له تأثير واااااضح جداً..
يعني لو شفنا ايسيان في مباريات الأبطال ،،
1_ صنع هدف قدام برشلونة في الكامب نو ،، مدري الأول او الثاني ،، حتى وان كان الثاني اللي صانعه تيري الا انه هو اللي رافع الكورة داخل المنطقة ..
2_ هو اللي رفع الكورة اللي جاء منها هدف شيفا على فالنسيا ..
3 _ جاب الهدف الفوز والثاني على فالنسيا..
يعني دايم يكون له بصمة في الهدف ،، هذا غير مجهوداته في خط الوسط ،، يعني بصراحة غيابه خسااااارة..


_ عقب ماحفرت مخي ومالقيت الا هالنقطة ،، الله يوفق الفريق في المباريات الجاية ،، لأنها مرحلة الحصاد ،، و لأنها ماتحتمل الهزيمة او التعادل ،، سواء في الدوري او الكأس او دوري الأبطال ،، ولازم الداهية موري يسوي مداورة بين اللاعبين حتى مايجي اللاعبين ارهاق من كثرة المشاركات..


تحياااااتي