إقتباس الرسالة الأصلية كتبت بواسطة الكناري الأزرق و عليكم السلام و رحمة الله و بركاته طلعت غشاش يا سلطان .. و انا اشوفك وش حليلك البس ياكل عشاك و بالنهاية طلعت تسذا ! .. صحيح انك شيطانٍ أمرد ,, انا جتني فتره كنت اغش لكن سرعان ما تبت الى الله .. و من غشنا فليس منا .. صراحه بكره علي اختبار رياضيات .. و انا ما ذاكرت و المنهج كله علينا .. و يبدو انني سوف اخربها بكره و ابرشم .. بس هالرياضيات ثقيله الدم وش تبرشم ؟ بالعاده الواحد يبرشم معلومات و تعريفات .. لكن انا وش اببرشم مثلث متطابق الاضلاع متطابق الساقين ؟ <<<---- صراحه جديد هالمثلث و غير هذا .. انا تعودت ابرشم على ساقي .. و ساقي كله مطبات من لعب الكوره .. المثلث يبي يصير منحرف ! .. [ على طاري الساق .. اتذكر فيه واحد دب عندنا بالفصل .. كشف ساقه لقيت مكتوب / رقم مطعم البيتزا 8494*** ,, و الله يا شباب ما اكذب عليكم , قلت له ما عندك رقم هارديز ؟ قال هارديز بالساق الثانيه ] .. الله يكفينا شر الغش .. و لحد يصدق منب غاش ان شاء الله باختبار الرياضيات .. صحيح اني جبت صفر بالاختبار الاول لكن الله يعين ! همسة / يا حبي لك يا سلطان حارثن المنتدى حرث ما شاء الله عليك و الباقين نايمين و الظاهر السبات الصيفي اشتغل !

الله يرجك ـمعجب فيك مشاء الله عليكـ


وراعي الموضوع أعجب فيه زياده