مساء الخير جميعا
اولا بقولكم ترا نجم المباراه هو بينانت
ثانيا عن الفوز الحمد لله كان متوقع
لكن فيه شي مطفشني غير النت اللي هو الغول المعلق خالد الغول
اللي علق على مباراتنا ضد ايندهوفن
بقوله: ياخي من اللي يغصبك تعلق على مباريات ليفربول
دائما تلقاه يردد طول المباراه ..((ملل..مباراه عاديه..مافيه حماس ..مدري ايش من هالخرابيط..))
بقوله الملل والطفش وقتل الحماس عند المتابع للتلفزيون انت اللي تجيبه بتعليقك البايخ
لامعلومات ولاثقافه ولاحماس ((قاعد يقول طول المباراه ان اجير هو الاحتياطي وهيبيا هو الاساسي))
هذا اكبر دليل انه غير متابع لمباريات ليفربول من الاساس
من متى وهيبيا اساسي طول الموسم
ويقول ان رافا يبغى يطمئن على مستوى اجير اللاعب الاحتياطي عشان كذا لعبه بدال كاراغير
امحق معلق بس المفروض المعلق يحضر للمباراه ويقرأ عن الفريقين بشكل جيد
والطامه ان ليفربول فريق انجليزي والاي ارتي محتكرين الدوري الانجليزي
ومعلقيهم مايعرفون الاساسي من الاحتياط
وماننسى سقطات عدنان حمد القذر في مباراة الاياب ضد برشلونه
((ماعندهم الا الشوالي ورؤوف خليف والبقيه ماعندك احد..))
...........
اما مايخص مباراة تشيلسي فلا يغركم مورينهو ونباحه اللذي سوف يستمر حتى نهاية لقاء الاياب
وهو مدرب قدير لكن عيبه ينبح واجد
من يوم عرفت ان الاياب بالانفليد وانا مطمئن ولله الحمد واقولكم من الان مبروك التاهل للنهائي
ولي عوده
