والله يا انا عجزت ارد امس عقب المباراه امس شكله من الظغط على السيرفر !!
المهم اننا ما امدانا نفرح باصابه العاهه ارويليو يجي يطلع لنا العاهه الثاني غونزاليس !!
بالنسبه لماسكي و محمد انا كنت متوقع انهم راح يحوقونه بالمباراه لان ستايلهم واحد الي هو ما غير تقطيع كور يعني محور دفاعي و هذا الي خلاهم يتشتتون ولا يركزون بالمباراه لان ادوارهم متشابهه ..
كرواتش !! انتم متأكدين انه ما يحشش قبل المباراه .. يعني اذا ما سجل الا لازم يصلح هدف و لا يترك له بصمه بالمباراه .. هالتطور و هالقفزه بالمستوى اكيد فيها سر !!
راؤول مع احترامي له مثله مثل روبي فاولر يتفلت يوم انه صغير و يبدع و اذا وصل الـ 27 طفى !! انا اتوقع ان من المستحيلات راؤول يطلع ..
الا انتم ما لاحظتوا ان رينا له ميزه مهمه غير انه نكبه بالعرضيات خخخخخخخ انه يقدر يتعامل مع الكوره صح اذا وصلت لمه و لا يقعد يشتتها يعني ان الهجمه تبدا من عنده هذا شي و الشي الثاني انه يعطي حلول للدفاع اذا توهقوا بالكوره بحيث انهم يرجعون الكوره له و هم مرتاحين لانهم عارفين انه راح يتصرف معها التصرف الصحيح ..
بالنسبه للتصويت لاحسن لاعب انا اشوف ان العاطفه لعبت بالترتيب يعني كارا صح انه مبدع ومن احس السناتر بالعالم لكن نذكر وش كان اول الموسم !! بينما فينان الي له سنتين مستواه ثابت ولا فيه اروع منه صاير الثاني ؟! |