اولاا أحب أمسي على كل الأعضاء ...
وثانيا بصراحة حركة سامي غريبة جدا جدا جدا لأنه صرح في أكثر من جريدة وفي منتداه إنه حيوقع على بياض لأنه مخلص للهلال والحين يطلب مليونين ريال الله أكبر عليك وين الأخلاص اللي تقول عليه وين كلامك وين إجاباتك لنا يوم قلت إني حوقع على بياض وين تصريحاتك في الجرايد أفا سامي طيب من الأول خلك صريح ليش اللف والدوران وبصراحة بعد كذبتك هذي لا يمكن أصدق أي شي تقوله ولا يمكن بالذات أصدق إنك مخلص للهلال إذا هذا يبين إنك ممكن أي لحظة تترك الهلال وطبعا هذا شي راجعلك لكن إنك تكذب علينا لا وألف لا بصراحة ما توقعتها منك لكن يوم تأكد الخبر قلت يا حسافة سامي يضغط على الهلال في أصعب وقت وفي ظروف من جد أقل ما يقال عليه ظروف وسخة ولكن الواحد يقول الحمد الله على كل الحال وزبدة الكلام إن سامي كذب علينا بشيء ما يستاهل وأحب أقول ملاحظة بصراحة اللي يستاهل المليونين في لاعبين الهلال (نواف التمياط) لأن الهلال ضيع عليه فرصة العمر لأن كان عقد نواف في الفريق الهولندي مليونين دولار ولا بعد إحتراف في دوري قوي مهب عندنا والمفروض على إدارة الهلال تعوضه ماديا علشان يلعب صح مع الهلال ولا أحد يلومه على أي شيء الهلال ضيع فرصة عمره ولا بعد ما عطوه حقوقه في العقد الماضي ولا عطوه عقد جديد يخليه ينسى اللي راح منه .

سامي ليش مهب من الأول ماكنت صريح ؟!!!!!
سامي على آخر أيمامك ولا تعتبر في المرحلة الرياضية متقدم في العمر وتطالب بعقد فوق المطلوب يعني على الأقل قل مليون ريال لأن نواف أولى منك في المليونين وإنت عارف ليش .
إحنا شعارنا في المنتدى الصدق والمحبة ليش ألغيت الشعار ؟!!!!

وفي الختام أشكرك ياسامي على عدم صراحتك معنا وعلى عدم إخلاصك للنادي وأحب أقولك نصيحة تعلم من ماتورانا تعلموا الأخلاص من ناس مهب مسلمين !!!!!!!!!!!
سامي إنت أخطات خطأ فظيع جدا للأسف ما توقعناها منك