****
حزينه و العمر يمضي ونار الشوق تكويني،
أماني كلها سنيني
بلقيا من سكن مابين الحنايا و بين اهدابي،
حبيبي آه لو تدري
عن اللي بخاطري جاري،
أحس النفس مكسوره
وأحس بضيقه تخنقني،
غريبه في و سط بيتي؟
يتيمه و بحضن أمي؟
ألا يالكادي معذوره
أسيره للهوى صرتي،
ومن في الهوى مرتاح!
ومن هو اللي ما يعاني؟
****
ياثقل الهم في غيابك
حبيبي و ينها عيونك؟
لذيذ النوم جفاني
وأنا ساهر مع طيوفك؟
ذبل شوقي وأنا أنطر
عساني ألمح بروقك؟
وأمني نفسي وادعي
عساها تهطل مزونك،
تعال و بتمطر الدنيا
فرح و بترقص الأشجار،
تعال بتزهر الأرض
ياسمين و كادي و نوار،
تعال ياعمري بعزف لك
من حنين الشوق عظيم ألحان،
تعال أريد أغني لك
أنا لك وش كثر ولهان؟
تعال أرمي لي همومك
على كتفي تعال و نام،
تعال بحضني و أضمك
وأفرشلك ريش النعام،
تعال و ما أوعدك أسعدك
ولا أحقق لك الأحلام،
تعال وبوعدك ينساك
الهم
وتنسى قوله:ياعمري حيل أنا تعبان..
***
