ذكرتونا بتصريحات اعضاء الشرف للجرايد واللي كللل مضمونها يقول:


ان كللل شي تماااام التمااام..والوضع ماشي ok وماعندنا مشاكل ولا شي وان الدعوه كلها خرط فاضي من الجماهير والجماهير ما عندها سالفه وحنا اللي عندنا سالفه والجماهير اصلا فاضين وحنا اللي نتعب ونشقى وانتم اصلا حدكم تحظرون وتشجعون وبس وبلا لقافه زياده.!!

على الاقل يالمملكه يعني كان حاولتي تضيفين شي على مقابلتك مع سعود بن تركي..على الاقل خلي الجمهور يتفائل بكلام حتى ولو كان من نسج الخيال..اذا كنتي تحسبين كلام المجاملات واللي يتكرر بالجرايد وبكللل مكان هو اللي يخلي الجمهور يطمن على وضع هلاله فانت غلطانه..جمهور الهلال وده باللي يحسسه ان فيه احد واقف مع النادي وقفة صادقه ويتكلم بمنطق اكثر من منطق الخيال الواسع اللي صار بالمقابله..على العموم الله يوفقنا بمباراة الاياب وتعدي هالازمه على خير ان شاء الله ونحقق كاس السوبر ويفرح الكل وننسى مشاكل مباراة الذهاب..وشكرا يالمملكه.