هلا اس اس ..

إقتباس يبدو أن مستوى الرد أقل مما يطمح له المتابعون لك

لا تكون معلومة جديدة بس .. اكيد الردود اقل بكثير من اللي يطمح له الاعضاء .. ولا يهون الموضوع الاساسي

إقتباس ،فقد يكون هذا الرد من باب تأكيد عدم الإنسحاب،فإذا اردت التوقف ولا أقول الإنسحاب لك ذلك وإعاهدك بشهادة جميع الأعضاء بألا أنعتك بالمنسحب بل بالمنتصر

يا ذا الانسحاب اللي ادوشتنا فيه .. لا تكون تايسون وحنا ما ندري !!! ما جاني نوم من الضحك وانت تقول ( منسحب ما انسحب) !!

إقتباس التوضيح أمر ضروري في كل أمر غامض سواء كان هذا التوضيح مني أو منك أو من بقية الأعضاء

يلوموني على التوضيحات !!! .. بس بالله عليك اذا جيت توضح مرة ثانية وضح بلون مختلف علشان اعرف ان هذا توضيح ... لان احياناً يضيع الواحد ما يدري وش التوضيح من التخبيض !!

وليتك تراجع لردك ما قبل السابق !! عندما قلت :

إقتباس أنا ياعزيزي لا أتحدث عن لفظة [ آخر رد ] لكني أقصد التلويح بفكرة الإنسحاب وهجر الموضوع منذ البداية

ارجع واقول هنا انت تقول انك تقصد انني الوح بالانسحاب ولا انسحبت (صح) ..

بعدها على طول ولا بينها ولا سطر علشان الواحد يعذرك قلت :

إقتباس [وبعدين ليش قرار الإنسحاب المبكر هذا والذي كان أسرع من سابقه ، على الرغم من أنك صاحب نفس طويل في الجدل ومن أكثر أعضاء المنتدى مشاركات ] يعني معقولة هذه الجملة عملت على استفزازك و جعلتك تقرر العودة وتتراجع عن فكرة الإنسحاب .

هههه .. يعني انت تقول اني (قررت) الانسحاب .. ورجعت علشان جملتك يا ساحر !!! .. ما شاء الله عليك .. خلال اربع اسطور تقدر تضيع اللي قدامك بكلام محيوس

إقتباس بعدين اللآآت الكثيرة هذي للنفي أو لإثبات السحر أو ففتي ففتي .

والله ماعندي توضيح .. افهمها زي ما تفهمها ما اعتقد يبي يخونك عقلك

إقتباس عزيزي مشكلتك الكبرى أنك لا تريد أن تفهم بعض ماأقصد[على الرغم من فهمك التام لكل كلمة أكتبها]

يلوموني اذا قلت ساحر .. حتى تعرف وش اللي فاهمه ووش اللي ما فهمت ..

الله لا يخلينا من التوضيحات

إقتباس ولعل هذا الأسلوب من أذكاء أساليب الحوار والنقاش التي توفر لصاحبها عدد كبير من مخارج الطواريْ وإختلاق المواضيع الفرعية.

ياسلام عليك ياخي ان كنت اقول ذهين بس الحين اقول ( ذهين جداً) .. اجل مخرج طواري !!

إقتباس وأبشرك إنه ماعندي أحد نصراوي بالبيت

طيب ولا صديق نصراوي تسولف معه واجد .. ترى الاهم السواليف ماهو وجود اخ او صديق .. المهم تسولف معهم وتناقشهم واجد

إقتباس ،ولنفترض جدلا أن التوضيح غير واضح بالنسبة لك فقد يرجع ذلك لعدة أسباب منها:

هات الاسباب .. واقسم بالله العلي العظيم لو وجدت السبب الصحيح لاقول لك .. بس بشرط اذا ما ما وجدته ابكتبه تحت ..

إقتباس 1/أنك تقرأ ماأكتب وأنت متوتر ومشدود الأعصاب

لا ما اعتقد ابد .. لاني اذا صرت متوتر ومشدود اقفل النت ويصير مالي خلق كتابة وردود .. واللي يحدث العكس .. احس اني مبسوط مرة .. وانا اضحك على موضوعك وردودك

إقتباس 2/أنك تفكر بالرد وأنت تقرأ فيستحوذ فكر الرد على فكر الإستيعاب

هههههههههههه .. انت عطني الرد اللي يستاهل الواحد يفكر فيه ويمكن اتفق معك بهالنقطة .. بس الردود اللي اشوفها ما تبي تفكير لانها (موضحة) توضيح يغني عن اي توضيح اخر

إقتباس 3/أو أنك تقرأ الموضوع ٌقبل أن تأكل وجبة الإفطار ولا تستطيع الفهم[ أنت اللي تقوله]

اخر رد لي عليك كان بتوقيت 3 الفجر بتوقيت السعودية .. يعني ماهو وقت فطور .. بس انا حبيت اقول لك (عذر الافطار ) علشان كنت مستكثر اقولك ان شرحك وتوضيحك دمار .. اتمنى وضحت النقطة ولا تحتاج توضيح اكثر من التوضيح اللي وضحته لك لا التوضيح صراحة متعب جدا جدا

إقتباس ليش [مهب الظاهر] أفهم إن هذا تشكيك في قدراتك وقدرات كبار كتاب المنتدى وبما لديكم من ثروة لغوية أو تشكيك بأنني لا أستطيع أن أميز بين الغث والسمين عموماأتمنى أن يكون الثاني حتى لا نسيء لأحد.

المشكلة انك تقول ( افهم) انه تشكيك !!! هذا اللي يبي يوديني بداهية !! انا ياعزيزي اتمنى ان لا تكتب كل شئ (تفهمه) علشان ما تسئ لاحد لان الواحد يفهم غلط احياناً ..

إقتباس بالنسبة لمسألة الحقوق لاتأخذك العزة بالأثم ياصاحبي فكل أعضاء المنتدى وأنت منهم يعلمون مالهم وما عليهم من حقوق.

عزة بالاثم !!! يا سااااتر ..

عموما شهادة لن ينسها المنتدى منك

إقتباس أمابالنسبة لموضوع التنظير والتطبيق التي ماإنفككت عن ترديده فأذكرك أن التطبيق قبل التنظير فيما يخص العلوم الإنسانية

اوه اجل اسف لان تخصصي طب اسنان وميكانيكا .. ما درست علوم انسانية .. سامحنا

إقتباس لاتنهى عن خلق وتأتي مثله عار عليك إذا فعلت عظيم

عظيمو .. صح لسانك

إقتباس لاسيما وأنك ممن يقتدى بهم في هذا المنتدى.

من يقوله ؟؟؟ .. الله يحقر ما رفعت .. انت خلك قدوة .. ما جينا للمنتدى علشان نصير قدوات

إقتباس أماإذا كنت ترددمسألة التنظير والتطبيق وأنا المعني بها فلا مانع لدي بقبول حكم الأعضاء عدا حكمهم على ما تأخر لي من ردود في هذا الموضوع لأنني أشعر في بعض الأحيان أنني أرد بالمثل.

اللي وش يحكمون الاعضاء عليه !!! .. انت مصدق ان فية نقاش !!

إقتباس كل واحد يكون ناصح ومخلص لك عليك أن تحسب له حساب حتى لوكان أقل منك مستوى وبعدين ياأخي[من تواضع لله رفعه]

عدم حسب حساب للبعض لا دخل له بالتواضع وغيره !! ( افهم هذا الامر) ..

ثم من الذي يصنف المخلص والناصح !!!! وهل كل من يتفلسف ويمتهن التنظير على غير سنع ناصح !! طبعاً لا ..

ثم انا بردودي التهكمية هل انا ناصح ومخلص لك .. لا ..
وانت بردودك الاتهامية هل انت مخلص وناصح .. لا ..

الا اذا كنت تلعب على نفسك .. !!

إقتباس عزيزي ماأعتقد إنه فيه شيء اسمه صعب يكتب إذا كان في حدود الأدب والأخلاق وخالي من التجريح

اصلاً ما كان خالي من التجريح علشان كذا كان صعبة ينكتب ..

إقتباس أخوي ياقاهرهم يحلفون إنك تقدر تقوم بعملية الإقتباس والقص واللزق و أنت مغمض لا وبيدك اليسرى بعد

نعمة وفضل من الله .. مسكين اللي ما يعرف يقتبس ..

إقتباس آآآآآآآآسف على التكرار لأني حسيت إنك منزعج ومنرفز خلال الردود

احساسك مهوب بعيدعن فهمك !!

@@@@@@@@@@@@@@@

القلب الازرق .. هلا وغلا .. اسفرت وانورت ..

إقتباس رجـــــائي يا بوهـيا أنك خــلاص ماعاد ترد

من عيون .. ;) .. هذا اخر رد .. علشانك.. ما اننا ما حسمنا الموضوع المهم ( الرئيس اتصال والا لا ) ههههههه