السلام عليكم
الي مو عاجبه الموضوع لا يرد

اول شي مبروك الفوز وعقبال الفوز على الأهلي يارب

ثاني شي الي قاهرني وحارق دمي بعض الأعضاء الي يوم الهلال ماقدم مستوى وصار مافيه
روح عند الاعبين قام يسب ويشتم ويقول الهلال مافيه روح ومافيه حماس ولا جماعيه

تبي تعرف ليش مافيه روح ولا جماعيه
منك انت وياه ماتصدقون تنتهي مباره الا كل واحد طالع فهد المفرج مايعرف يلعب فهد المفرج فاشل
وربي مافيه غيرك انت وياه فاشل
يعني علشان هدف الأهلي خلاص صار الاعب فاشل وصار اسمه .......... استحوا عييييييب
وربي ماضيع الفريق وروح الاعبين الا انتم كل لاعب يخطي وكل لاعب ينخفض مستواه يعني بس وقفت على فهد المفرج (ياخي فهد المفرج له ثلاث سنوات وهو الي ماسك خط الدفع الحين صار فاشل )
يعني بدال مو حنا الي نوقف معه وناخذ في يده ونقول شد حيالك يافهد نجلس نسب فيه لا واحلى
شي اذا قالت لاحد الأعضاء لاتسب قال لك انت مندس انت نصرواي ياخي اكبروا شوي عييييييييب
جالس تسب في الاعب وتقول مندس لو انت هلالي ماجلست تسب في الاعب اذا فيك خير راح خذ بيده
ورفع من معنوياته مو تجلس تحطم في الاعب (امانه حطوا نفسكم مكان الاعب يدخل المنتدى يحصل انواع السب والتحطيم والتجريح )تتوقعون بعد كذا راح يعطي مستوى (مافيه امل )
بس كل الي ابي اقول للنجم فهد المفرج مايضر السحاب نبح الكلاب واصل مسيرتك يانجم والله بياخذ بيدك وربي حنا معك (والي مايغلط مايعرف يلعب ) الي الأمام يانجم النجوم
وهذي بوسه على راسك (الله لايخلينا منك )

ثالث شي تكفون الله يخليكم خلوا الاعبين بحالهم وربي تركم بتدمرون الفريق بكلامك خلاص
اذا انتهى الموسم تعالوا حاسبوهم على كيفكم بس الحين لالالالالالالالالالا تكفون نبي نصير يد
وحده مع الاعبين والأداره تكفون خلوا الاعبين بحالهم تكفون .

ملاحظه الي ينتقدون نواف يتركون الاعب في حاله وهو بيرجع مثل اول واحسن



اتمنى محد يزعل مني بس انا الي في قلبي قالته
واحلى تحيه لنجم فهد المفرج