مشرفنا الغالي أبو العوووووووايم
يا هلا وغلا

إقتباس وبعد ان من الله على هلالنا بأن لا يخرج خالي الوفاض قلنا ان الرئيس الان اصبح اكثر خبره واكثر قوه ولن يعطي منتقديه اي فرصه للنيل منه وذلك بحظوره اولا ومتابعته للفريق عن قرب وايضا بدعمه ماديا بإعطاء لاعبي الهلال ما يستحقونه نظير ما قدموه من مجهودات ( مكافأة ) او على الاقل صرف رواتبهم المتأخره , ولكن شيئا من ذلك لم يحدث ( للاسف ) فلا الرئيس حظر ولا الدعم المادي توفر !!!!!!!!!!!

ونحن أيضا أو بمعنى أصح أنا والعياذ منها وبعد أن حقق الهلال كأس أسيا والدوري قلت أن الرئيس سيستفيد مما تحقق وسيكون أكثر حرصا على الهلال وأكثر قربا منه وسيصحح أخطاء إدارته ولكن للأسف لم
يحصل شيء من ذلك بل أن الأمور ازدادت سوءا بعد تلك الإنجازات ..

إقتباس للامانه , انا شخصيا كنت اتمنى ان يُقدم الرئيس استقالته بعد انتهاء الموسم ( مباشره ) وذلك ليتسنى لرجال الهلال اختيار البديل في فترة التوقف , وهذا الامر لم يحدث ( للاسف ) ايضا !!!!!!!!!!

والله يا لغالي انك حقاني (بعض ) المرات وتقول الحق مهوب مثل بعض الناس اللي همه المناقر ولو تقول له الشمس تشرق من الشرق قال معصي إلا من الغرب
تسلم والله

الغالي عاشق الثنيان 15
هلا والله وغلا
ومشكور ويعطيك العافية ..

الغالي أبو ذكرى
هلا وغلا والله يسلمك ..
والله يسمع منك ..
ولا تخاف ترى لاعبي الهلال قدها وقدود ..

الغالي أبو بدر
ألفين هلا ومسهلا ..

إقتباس ــ لو تلقى الزعيم ــ لا قدر الله ــ هزيمة تارخية قاسية [ مثل خمسة نيسان النصراوية ] هل ستنفع الزعيم عشرات الملايين بعد ذلك ؟

اولا فال الله ولا فالك ..
وثانيا أي عشرات الملايين تقصد ؟؟؟
إذا تقصد اللي دفعها الرئيس فهي منزوعة بركتها وعلى ماقال المثل المكسيكي ( easy come _easy go ) ولو تدقق وين انصرفت فيه كان تشوف إن الهلال ما استفاد منها الله يخلف !!!

الغالي وادي الرمة
هلا والله وغلا
وألف شكر يالغالي

والمثل الشعبي يقول" الملزق يطيح"
عزا الله انك جبتها وعلى رأي أخونا ابو بدر هالمثل يكفي عن مليون مقال ..
ومشكور مرة أخرى على هذه المداخلة الرائعة

الغالي البطولة الزرقاء
إلا كلامك صحيح والتفاءل زين ولكن من المفروض أن نعقلها أولا ونتوكل ..

الغالي راعي المناقر ابو هيا
هلا والله غلا ..
والمنتدى منور بوجودكم ..
وتدري عاد الله يجزى أبو ذكرى خير اللي أكتشف لنا الاقتباس
وإلا كان علوم ..

إقتباس وش دعوة وين ابوزندة !!! والا ماله دور في البطولات !! .. قالها ابو بدر قبل يومين يا شين الغلو

أي غلو الله يهديك
ماشوف إننا نسينا أحد
إلا إذا تقصد حبيبكم فدوره مثل دور ابو زنده ببطولات الهلال !!

إقتباس كل رئيس للهلال (ذهبي) .. وهذي نعمة من الله .. حتى فواز المسعد استلم رئاسة النادي في فترات قصيرة ورصيده بطولتان .. نقدر نقول ( يرحم زمان الرئيس الذهبي المكلف فواز المسعد ) ..

والله يالغالي الألقاب لا تأتي إعتباطا .. وإنما تأتي من مجهودات الشخص وإنجازاته ..
وبالنظر إلى جهود أبو محمد فيما تحقق من انجازات للهلال إبان فترة رئاسته نستطيع أن نصف عصره بالعصر الذهبي وترى التاريخ هو اللي يقول أن أبو محمد هو الرئيس الذهبي للهلال وليس سور الصين !!
أما ماتحقق في فترة رئاسة فواز المسعد المؤقته فهي لاتختلف عن ماتحقق في فترة رئاسة الرئيس الحالي !!
وكلها من بقايا فترة رئاسة ابو محمد !!
وبعدين إذا اللي راهنتوا عليه فشلكم فليس لكم الحق في محاولة تشويه صفحات التاريخ الهلالي المضيئة !!!

إقتباس انت بالذات من العام وانت شاب على الهلال والهلال لن يحقق والهلال لن يحصل !!!! ويوم حقق وحصل .. صرت تقول ( الهلال فرط) !!!!

ولا زلت وسأضل اقول أن ماتحقق للهلال هو بفضل من الله ثم بمجهودات من ذكرت أما الإدارة بقيادة الرئيس الحالي فدورها التثبيط والذي ساهم بشكل مباشر في التفريط !!!

إقتباس ترى الهلال ما كان يلعب لحاله

اوووووووه نسيت أثر الهلال بالفعل كان يلعب مع الطائي ومع الهلال السوداني والشعب الاماراتي !!!!!!
أجل ماتنلام الإدارة لو ضاعت هالبطولات !!!!!!

إقتباس الا الان ما دخل على الهلال (هللة) وحدة !!! يعني نتائج الاجتماع هو حصول كل عضو شرف على كوب من الكاباتشينو !!!!!

والفلوس اللي تنازل عنها ماتورانا من وين جمعوها لايكون فواز المسعد هو اللي دفعها !!!!

إقتباس (اللي) رجوا الدنيا تصاريح واحتجاجات على وضع الهلال قبل كل (مباراة) حسم يخوضها الهلال الموسم الماضي .. اي هم ؟؟ لماذا اختفوا الان !!!!!!!؟؟؟؟؟؟؟؟؟ اليس الوقت مناسب لإحداث تغيير اداري جذري في نادي الهلال !!!؟؟

وش تبيهم يسوون ؟؟؟؟؟
يقومون بإنقلاب عسكري على غرار ماحدث في النادي الجار ؟؟؟
لا ياعزيزي ليس الهلال من تسوى أموره بهذا الشكل !!
ولم يسبق أن نحي رئيس هلالي بالقوة !!!!
وعلى هالأساس خل هالعلة يحل وبعدها لكل حادث حديث ...

إقتباس الا تعال انت وشلونك وش اخبارك وين الناس

موجودين والله وعايشين على جفاكم ..
الا أنت وينك من يوم بخت الرجال وانت مختفي


تحياتي للجميع
وللردود بقية إن شاء الله