توني ادري ان ريكويلمي رفض عقد اتلتيكو مدريد !! عموما انا سمعت عن هاللاعب وايد و شفت له جم قول بالتلفزيون لكن ماشفت له ولا مباراة كامله !! و لكن اذا يه برشلونه وين بيلعب !! يطلع واحد من اوفرمارس - ريفالدو - لويس انريكي و يلعب بدالهم ؟؟ اذا جذي بتصير السالفه اتمنى ما اشوفه في برشلونه

بعد مستوى موريانتيس و راؤول الرائع بكاس العالم ! المفروض ريال مدريد مايشترون مهاجم بعد !! عندهم جوتي - راؤول - موريانتيس - مونيتيس - فيغو - راؤول - سافيو ! شيبون احلى من جذي !! لكن صج المثل يقول (( الانسان مايترس عينه الا التراب ! ))

مع خالص احترامي للمدرب القدير فان غال ! فان غال ملك قبل و بعد كاس العالم شئت ام ابيت .. الظاهر انك ماتعرف قيمة هاللاعب عدل !! لكن صج لا قال المثل (( اللي مايعرفك يايثمنك )) يا ريفالدو .. عموما ريفالدو قاعد في برشلونه الى موسم لان عقده ما انتهى و انشالله لمن ينتهي يجددونه بعد لان ماراح نمل منه

للاسف ! .. ابيلاردو راح الافيز بعدما علم ان فان غال عاد ليدرب الفريق ! لان سابقا ايام ماكان يدرب الفريق فان غال كانت هناك حساسيه بين اللاعب و المدرب .. و اذا يبون ديتريول الافيز بعد خلهم ياخذونه لان عندنا انكه اليديد و بونانو القديم

للاسف ! .. سيرجي حاله حال ابيلاردو ! طلع من برشلونه بعدما علم عن رجوع المدرب فان غال الى تدريب الفريق

رغم جلوسه على مقاعد الاحتياط بشكل مستمر .. الا اني لا اتمنى خروج داني من برشلونه صدقوني هاللاعب ممتاز و الله العظيم ممتاز لكنه مظلوم من جميع المدربين باستثناء لويس فيرير اللي عطاه الفرصه باغلب المباريات

و الله ما اقول لا نبي لويس جارسيا بس راح يقعد على مقاعد الاحتياط لان عندنا سافيولا و كلايفرت بس حبيت اوضح شغله اسم فريق لويس جارسيا بلد الوليد