هلا بالغالي أبو بدر والحبايب كلهم
مشتاقين والله
وش القصة ؟؟؟
انا شفت العالم متكومين حولك قلت لايكون الرجال مسوي حادث الله يستر !!
أثرك تحتسي عن المصيبيح ( الله يعينك ) !!
والله يا بو بدر أنا مالي وماال الناس !!
وأنت بصرك مادام أنك شعللتها من بدري شف لك أحد يفزع لك ..
إلا على طاري ابو محمد انت شفت حركة المدراء بالرس ؟؟
شف ابو محمد المشرف بمجمع .........؟؟ وش سوو به ؟؟
خلوه مسؤول عن منخب المدارس بالاضافة الى عمله !!!؟؟؟
وترى الرجال مبسوط ولا عنده مانع ايضا زاد عنده شغلة جديدة على هالشغلات اللي عنده !!!
تعرف هو يقوم بعمل المدير الكثير الغياب !!
وبعمل الوكيل المشغول بتجارته !!
ويقوم بعمل الاشراف بالمجمع ( ثانوي ) ( متوسط ) ( ابتدائي ) ولا عنده مانع يقوم بالاشراف ( بالروضة ) اللي جنب المجمع !!
ويشرف على النشاط المنهجي واللامنهجي بالمجمع وإدارة التعليم !!
ومسؤول عن النشاط الكشفي !!
ويستقبل الطلاب المستجدين !!!
ويرصد الدرجات ويدون ويرفع كشوفات الغياب والانصراف للطلاب ( كشف حصة بحصة ) !!!
ويدرس اولى ابتدائي توحيد وخامس ابتدائي جغرافيا وثاني متوسط رياضيات وثالث ثانوي فيزياء ويكمل بمدرسة أخرى فنية ورياضة !!!!
وهو اللي يامر وينهى بالمجمع لدرجة أنه هو اللي يفرض عريف الصف !!!
والمشكلة انه يحب ان العريف يكون من الكديش لأنه مايواطن المتفوقين ويحاول يضايق عليهم علشان ينتقلون لمدارس اخرى !!!
وتصدق عاد يابو بدر انه طرد واحد مسيكين ماله اربعة اشهر منقل من مدرسة اخرى !!!
ووووووووو وعد واغلط يابو بدر
كل ذا يهون عند أنه هو اللي يشتغل بالمقصف ويوزع الحليب على الطلاب بالفسحة !!!!
يعني ماشاء الله عليه بتاع كله !!
وكن مابهالبد الا هالولد ؟؟؟
المشكلة فيه ناس تؤيده على شغله وان قلت ياجماعة كثيرة عليه هالاعمال لازم يتفرغ لشغلة وحده نطو بك وقالو مالك شغل !!
ما يدرون أن الله سبحانه وتعالى يقول ( ماجعل الله لرجل من قلبين في جوفه )...
سبحان الله يابو محمد يخلق من المصيبيح اربعين !!
تحياتي يابو بدر وهد اللعب شوي ترا بعض الناس عندهم عرس هاليومين !!!
تحياتي