شوف يابو سعد

اذا كنا نبي نرفع ضغطهم أتفق معك 100%100 في كل ما كتبت

اما اذا كنا نتكلم عن الحقيقة ,, لا والله الحق ينقال

ماجد أسطورة بكل معنى الكلمة

بكل صراحة أقول ان ما شفت هداف بقدرات ماجد في العالم العربي

هو نصراوي صحيح

ولكن هذا ما منع صالح النعيمة انه يقول عن ماجد انه أفضل هداف عرفته الملاعب السعودية

ولا منع سامي الجابر انه يقول : وأنا كمهاجم أعتبر نفسي لا زلت تلميذاً في مدرسته وليس هناك أي مقارنة بين ماجد وأي لاعب آخر

شوف اخوي ابو سعد,, ماجد لاعب فوق نجوميته وابداعه كان لاعب قمة في الخلق ,,, ما أذكر يوم واحد قرأت له تصريح ضد نادي الهلال ابداً ابداً

وجمهور ماجد صدقني موجودين داخل نادي الهلال ايضا وانا واحد منهم ,,

رغم انه كان يلعب لنادي النصر ورغم انه كانت اهدافه كثيرة في الهلال ولكن ما اذكر يوم واحد انه تصرف بشكل مستفز او غير اخلاقي ضد جماهير الهلال بعد تسجيله لهدف

لأنه بكل صراحة ,, لاعب خلوق جداً

ابو سعد اذا كنت في الرياض ارجوك روح لفيديو النجوم الرياضي تلقى عندهم 4 أشرطه فيها ( بعض ) أهداف ماجد

صدقني انك بتغير رأيك بعد ما تشوفها

اما اذا كنا نبغى نرفع ضغط ( النثراويه ) فأنا معك أن ماجد صنعته الصحافة وهو لاعب فاااااااااااشل

أشكرك