هلا بـ رعبوبة الزعيم ،،

إقتباس ويوم دخلت على الحريم تفاجئت ان الموضوع ان ناس جايين يخطبونها وهي ماكانت تدري يااحرام وماكانت مستعده نفسيا للشي هذا وانصدمت بالمفاجئه اللي مصلحينها امها وابوها لها

بـ صراحه الغلط من الام ، وراها ماعلمتها بـ الحقيقيه وشفيها إذا قالت لها الجد تخبي عليها وتصدمها ليه .

إقتباس لو كنتي مكان ابرار وش راح يكون ردة فعلك ؟؟

بـ اخذ الامر ايزي ويمكن استهبل علشان لايخبطوني ويقولون بنتهم راعية هبال .. واذا رحوا وجت امي تهاوشني بقولها ماقلتي لي انهم جاين يخطبون قلتي يبون يتعرفون :p .

إقتباس وش العمر المناسب للزواج برايك للبنت والولد؟؟

اممممم بعد مناقشات مع صديقتي تغريد ، عدلت عن رأيي
أتوقع مافيه عمر مناسب لـ البنت ، لانها تختلف بـ اختلاف التربية والتفكير البنت ومدى نضج عقلها خخخخخخخخخ يااا يازيني وانا اتفلسف
اما النسبه لـ الرجل اييد يكون عمره من 30-35 ، 35 حد اقصى لان بعد هـ العمر راح تقل رغبة الشاب فـ الزواج ، وسبب اختياري لعمر 30 الرجال بيكون قادر ع تحمل المسؤوليه وبيكون ثقيل ورزه نادر ماراح يلجأ الى الطلاق فـ حل مشكلاته بعكس الشاب اللي بيتزوج وعمره مثلاً 24 بيكون متهور ويمكن اول ماتواجه مشكلة بيفكر بـ الطلاق ... طبعاً صعب التعميم لكن نفرض الاغلبيه

إقتباس - وش رايك بتصرف اهل ابرار هو تصرف زين يعني يمكن اهلها مايبون يجرحون مشاعرها يمكن ماتعجب اهل العريــس اذا شافوهـا..ولا ماهوب زين علشانهم احرجـــوها ؟؟وجهة نظرك

لا والله ماهوب زين ، تصرف من جد بدائي وشفيها اذا علموها وخلوها تستعد نفسياً المفروض بعد مايعلمونها بين يوم وليله قبل .

إقتباس - مع كثره العنوسه اللي عندنا بالسعوديه خاصه والخليج بشكل عام وش رايــــك بفكره ((اخطب لبنتك ولا تخطب لولدك)) تأيدها؟؟او تأيدينها؟؟

لأ مانيب ايدها ، انا أيد أخطب لولدك ..
المفروض كل بنت تخطب لاخوها اول قبل لا تتزوج :p فـ هالزمن لازم نأمن مستقبل العيال اول ينخاف عليهم لاينخطفون ،،

إقتباس - اختلاف المستوى الدراسي بين البنت والولد هل يؤدي الى فشل الزواج؟؟

لأ ماله علاقه ، يمكن يكون احد العوامل المؤثرة لكنه ماهوب اساسي ..

إقتباس - سؤال ماله دخل وبقووووووة .. اذا واحد حلوو ومملوح جاك يخطبك وش تقولين؟

والله شوفي ع حسب .. موب كل مزيون بوافق عليه ;) يمكنه يكون زين بس اخلاقه الله بـ الخير

إقتباس - وش تفضلين زوجك يلبس شماغ وثوب ولا بنطلون وتي شيرت ؟؟

سؤال ماعمره طرأ ع بالي

إقتباس - وش تبينه يكون يشتغل وظيفته؟؟<<تبي واحد بأرامكوا

مواصفات زوج المستقبل توني مابعد حددتها ، يمكن لاني مانيب فاضيه له هـ الموضوع وكل تفكير محصور فـ اشياء معينه ، لسه توني صغيره ع التفكير بـ المواصفات ... مانيب مستعجله ع رزقي ;) ،،








سي يا









الفيروسه الزرقاء