نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - للبنـــــات فقط..ومافي خلاف لو دخلو شباب ((ايزي))

سندريلا الهلال · #4 18/03/2007, 08:04 PM

هلا وغلا رعبوبة .. منورة المنتدى بطلة موضوعك ..

ان شاء الله دراستك تمام .. يالله هانت راح الكثير ومابقى الا القليل ..

نجـي لأسئلتك شكلك تحطين حرة وزارة التعليم فينا

- وش مواصــــفات فارس احلامك؟؟

أنتي قلتي الأجابة اللي تتمناها كل بنت في سؤالك ..

ان يكون فـارس بشهامته وأخلاقة وطيبته كل صفات الفارس تكون فيه ..

- لو كنتي مكان ابرار وش راح يكون ردة فعلك ؟؟

لها الحرية انها توافق او ترفض ..في مقابلتهم لانها ماكانت خطبة رسمية ..

اذا كانت مقتنعه انها ممكن تتزوج تقابلهم مو مقتنعة بوقت الزواج يحق لها ترفض ..

- وش العمر المناسب للزواج برايك للبنت والولد؟؟

مافية شيء اسمه تحديد عمر مناسب ..لو ان العمر يحدد مقياس لأي شيء ماشفنا عباقره صغار في السن ولا كبار مايملكون شهادة تعليميه
واغلب وقتهم يقضونه في امور تافهه ..مستوى تفكير الشخص هو يحدد لك هل يصلح للزواج او لا

احيانا تجدين اشخاص اعمارهم كبيره ولكن عقولهم من اتفه مايكون تفكيرهم في اخر تقليعه من الموضه حاصرين انفسهم في صغائر الامور وهالشيء ينطبق على البنت والشاب ..

فاللي يرى في نفسة القدرة والرغبة في الزواج يتزوج ..فالزواج رغبة واقتناع قبل كل شيء ..

- وش رايك بتصرف اهل ابرار هو تصرف زين يعني يمكن اهلها مايبون يجرحون مشاعرها يمكن ماتعجب اهل العريــس اذا شافوهـا..ولا ماهوب زين علشانهم احرجـــوها ؟؟

تصرف اهل ابرار تصرف من حسن نية يبون الأمر عادي حتى البنت تتصرف بتلقائية وماتكون متخوفه

ولكن من حقها البنت تعرف على اي خطوه تقدم عليها .. كحق من حقوقها ..

- مع كثره العنوسه اللي عندنا بالسعوديه خاصه والخليج بشكل عام وش رايــــك بفكره
((اخطب لبنتك ولا تخطب لولدك)) تأيدها؟؟او تأيدينها؟؟

العنوسة .. مو هي سبب ان ولي الأمر يخطب لبنته او قريبته فعلا ندرة الشباب الكفؤ .. ترغم احيانا أباء على الأقدام على هذه الخطوه

ولكن مع انها خطوه تعتبر خوف من ولي الامر على قريبته ولكنها جدا جدا مؤلمة للبنت

يعني الفطرة ان الشاب يبحث عن البنت مو البنت تبحث عنه ..بعدين الزواج الان اختيار واقتناع مسألة تحديد شخص لشخص من قبل اي شخص آخر أمر مزعج للطرفين ..

- اختلاف المستوى الدراسي بين البنت والولد هل يؤدي الى فشل الزواج؟؟

الأيام هذي من الممكن تكون سبب الثقافة مطلوبه في شريك الحياة ..

والحمد لله الان مداركنا توسعت مو بشهادتنا الا باطلاعنا وقرأتنا واهتمامنا لو معتمدين على دراستنا ماراح نتطور ولا نتقدم .. لان العلم ماينتهي ..

- سؤال ماله دخل وبقووووووة .. اذا واحد حلوو ومملوح جاك يخطبك وش تقولين؟

طيب حلوو ومملوح وبس والباقي وين

اقول ان كانت اخلاقة ممتــازة اكيد اوافق اما غيره لا ..الله لايجعل اكبر همي شكلة

- وش تفضلين زوجك يلبس شماغ وثوب ولا بنطلون وتي شيرت ؟؟

اللبس حرية شخصية لكلا الطرفين ..

- وش تبينه يكون يشتغل وظيفته؟؟

وظيفة تناسبه ويرتاح لها اولا واخيرا .

رعبوبة الله يوفقك ويوفق الجميع