| مامسك اعراض بناتنا الا الهيئة
مامسكوا مصانع الخمر والحشيش والوكر والديسكو الا الهيئة
مامسكوا الشواذ جنسيا والخكاريا والاستراحات وحفلات البنات الا الهيئة
يأمرون بالمعروف وينهون عن المنكر وهذا امر به الله في القران والرسول عليه الصلاة والسلام بالحديث
كم من شخص وكم من بنت تابوا على يدين الهيئة
كم فشلوا من خطه لتهريب المخدرات والشراب وطلعات العيال مع البنات ؟ هم الهيئة
وكم وكم وكم افعال مايعلم بها الا الله
هذا كم موقف مع الهيئة بالنسبة لي
قبل كم سنه كنت طالع بالسيارة الظهر ادور عند مدارس البنات وكان شعري طويل عن كتفي شافتني الهيئة ووقفوني بكل هدوء انا قلت بروح فيها طق وجلد وقفوني ومسكني على جمب ونصحني اخلا نصيحة وخلاني امشي
ومره كنت امشي بطريق الملك عبدالله (طريق الحوامل) وكان وقت صلاة المغرب وشافوني هيئة وركبوني وودوني القسم صلينا معهم ودخلني المكتب وقاعد ينصح عن الصلاة وطلعنا بدون اي شد او مضايقه
بالعكس كذا ترتاح لما تشوفهم
وبالعكس بعض رجال الهيئة المحسوبين طلعوا من السجون لفترة طويلة وطلعوا متدينين وحطوهم رجال هيئة عشان كذا مايعرف الاسلوب الا اللي عايشة بالسجن وزد على هذا تلقاه ماتعلم من يومه صغير وهو بالسجن وغير كذا يعني بيطلع الحره اللي فيه بطريقة غير مباشرة
عالعموم ماودي اطول بالموضوع والله ماكتبت هالموضوع الا غيرة لرجالنا اللي حموا وطننا
والله ثم والله ثم والله لولا الله ثم رجال الهيئة كان السعودية مندمرة اشر تدمير  | 