الموضوع: ◊۩¯−ـ‗رابطة عشاق برشلونة 2006/2007 {{ليس مجرد نادي}}‗ـ−¯۩◊
مشاهدة مشاركة بصفحة مستقلة
  #9140  
قديم 11/03/2007, 03:31 PM
الصورة الرمزية الخاصة بـ S U L A I M A N
S U L A I M A N S U L A I M A N غير متواجد حالياً
مشرف سابق بمنتدى الرياضه العربيه والعالميه
تاريخ التسجيل: 30/08/2003
المكان: الرياض
مشاركات: 7,618

السلام عليكم


أول شي أقول هارد لك التعادل شباب وان شاء الله معوظينها بقادم الايام .. بالمنطق نقول هارد لك للريال .. لكن بالعقل نقول مبروك للريال . .. المنطق كون البارسا تعادل بآخر دقيقة .. وبالعقل لأن الريال نجى من شر هزيمه قبيل طرد ألقوير .. شاهدنا المباراة كادت أن تكون مأساويه لولا طرد ألقوير .. .. ولي عتب بسيط على الشباب الي يقولون مبروك التعادل ( أقصد البرشلونية ) .. يعني الي تابع المباراة من أولها لآخرها ما اتوقع بيجي هنا ويقول هارد لك .. لانه أكيد شاف السيطره الغير طبيعيه لنا الى حالة الطرد الي قلبت الدنيا فوق تحت علينا .. سؤال للي يقولون كذا .. لو المباراة منتهيه 11 - 11 .. هل راح تنتهي بهـ النتيجة .. ! أجزم لكم انها ماراح تنتهي كذا أبدا .. لانتيجة ولا مستوى .. حتى بعد الطرد شفنا هجمات خطره للبارسا .. هذا وفيه طرد .. أجل لو مافيه طرد وش كان سووا .. ! راح أحلل المباراة وبعدها بحلل ريكارد والحكم .. وبعض الردود ..

. .. .. .


المباراة



دخل البارسا بخطة 3-4 -3- كما شاهد الجميع .. وهي خطة بدأ ريكارد بالإعتماد عليها في الآونه الخيره بالرغم من عدم فاعليتها تماما .. حيث انتهت جميع المباريات التي لعب بها بهذه الخطة بالهزيمة للبارسا .. وسوف يأتي ذكر هذا الكلام في مايختص بريكارد في مابعد .. شاهدنا اختلال في موازين الدفاع في بداية المباراة .. وشاهدنا التغيب الواضح للكثير من الاعبين أسواء عن مستوياتهم أو عن المباراة ككل .. كـ تورام الذي كاد ان يقع في شر اعماله عندما جهز الهجمة تلو الأخلى للريال حتى صنع للرود الهدف الأول بطريقة استفزازيه حقيقة .. هل هذا هو تورام كأس العالم ! هل هذا هو دفاع نادي ك برشلونة الأسباني ! ماركيز وتورام ! خلاف الأسد بويول بالطبع ! لاأدري الى متى سوف تبقى هذه العالات في نادي كبير كـ البارسا .. اتمنى من الإداره جلب أي لاعب الموسم المقبل كي تنتهي المعاناة مع الدفاع .. اقول هذا الكلام لأن الهجوم المدريد سجل ثلاثة اهداف بسبب الأخطاء الدفاعيه .. كما شاهد الجميع ..
شوط أول كان اكثر من ممتاز للبارسا وسيطره جد واضحة وصريحة للكتلان وأهداف مدريديه أشبه ماتكون بالهدايا .. هدف ظربة جزاء لاتعبر عن السيطره ..
المجموعه بالأمس كانت جيده نوعا ما لو نظرنا الى الحالة المحيطة ( الحكم + الطرد ) .. الاستفزازات الكثيره من الحكم ألقت بظلالها على الاعبين .. هنا كان من المفروض على ريكارد تهدأة الاعبين وامتصاص غظبهم .. لكن ليس بالطريقة التي عملها بداية الشوط الثاني !


ريكارد


والله تعبنا ياريكارد .. والله تعبنا .. ! ياخي الى متى ! لعبنا بهالخطة مادري كم مباراة .. انهزمنا قدام اليفر على ملعبنا .. فزنا فوز مافادنا على ملعبهم .. انهزمنا قدام اشبيلية وأخذوا الصداره .. وتعادلنا مع الريال على ملعبنا .. ! مباريات كبيره جدا تلعب بهـ التشكيلة .. هل من مدرب فاهم وواعي ومدرب يدرب الفريق صار له أربع سنوات .. هل من الممكن يسوي كذا ! معقوله تلعب قدام الريال بـ ثلاثة لاعبين ! وين راح سيلفيو .. ! صدقوني لو سيلفيو يلعب بـ كل مباراة صدقوني راح يتطور مستوى روني الى الأروع ! روني مافيه مسانده له أبد أبد من الخلف ! اذا مسك الكوره يناظر قدام يدور أحد يعطيه الكوره .. يروح هو للاعب البرشلوني يطلب منه الكوره .. ! ليش لانه مافيه مسانده له من الخلف والمتمثله بـ سيلفيو المتفاهم والمتناغم مع روني لدرجة مجنونه .. ! مافكرت ياريكارد تسوي شي من هالناحية .. ! صار لك ثلاث مواسم تلعب بخطة ممتازه .. ويوم جت اصابات لأهم لاعبينك مافكرت تغيرها .. ويوم رجعت هالإصابات غيرت الخطة .. ! بأي قانون هذا ياريكارد ! الي تكسب به العب به ياخي .. ! مافيه مباريات الحيت تختف عليها وتقول ورانا مباراة فلانيه لازم أفوز فيها ! الا اذا كنت تفكر بالكاس هذا عاد شي راجعن لك وشي يخوف فيك الصراحة ! عندك لاليقا وتفكر بالكاس ! والله غريبه !
تلعب بثلاث مدافعين قدام نستلروني ! وازن بين الخطوط ياريكارد ! 4-3-3 كانت أنسب خطة لو لاعب فيها أمس ! الاعبين الثانين يفكرون بالدفاع لايجيهم هدف ونسوا مهامهم الهجوميه .. وكله بسبب ريكارد وخطته العقيمه .. فعلا عقيمه واكبر عقيمه ..
أما الي يخص الي سواه ريكارد بداية الشوط الثاني فهو تبديل ايتو المبدع وادخال سيلفيو ! واللهي تبديل مضحك واتوقع ريكارد كان يمزح مع الجمهور ويبي يونسهم شوي ويقول لا لا أمزح معكم ترى .. ! معقوله على أرضك ومتعادل 2-2 وبين الشوطين .. تطلع مهاجم مبدع بالشوط الأول وتدخل ظهير أيسر ! مع ان المطرود ظهير أيمن ! .. ! .. ! طيب أوكي طرد ماقلنا شي بس مهب لدرجة انك تسوي الي سويته عاد ياريكارد .. !



الحكم


أكيد كلنا شفنا الحكم أمس .. طبعا خلاف انه حقير ومن هـ الكلام مادري شلون يسوي أشياء زي كذا وعلى ملعب النوكامب وقدام أكثر من 97 ألف شخص ! بايعها ذا .. ! طيب اوكي ممكن نقول دافعين لك فلوس بس عاد ماتخربها كذا !

الاعبين أمس دقوا خشم الحكم .. وكثر مافرحت بهدف ميسي مافرحت على دقة خشم الحكم صراحة ..كان ودي يجيبون صورة الحكم بعد الهدف .. ما أتوقع صفر يقول هدف .. أتوقع من هول الصدمه طاحت الصفيره .. بس بيني وبينكم .. وخاصه بعد الهدف الثالث حقهم .. خفت ان الحكم يفرح معهم .. :p
طرد لا أعتقد انه يستحق البطاقه الصفراء ! على الأقل ظربة الجزاء لاتستحق البطاقه ! ألقوير ارتكب خطئين فقط .. وكليهما أخذ عليهما كروت وظربات حره .. ! المصارعين المدريديين أين ذهبوا من هذه الركلات الحره والبطاقات الملونه ! سيرجيو راموس إعتقد نفسه في حلبة مصارعه بالأمس ! كما أن ديارا أيضا كان يستحق أكثر من الكرت الأصفر بعد التعديات الكبيره منه
كانت خشونة لاعبي مدريد بالأمس جدا واظحة .. تمنيت لو أن الحكم كان على مستوى الحدث حقيقة .. لشاهدنا مباراة ممتعه من قبل الكتلان ولما انتهت بهذه النتيجة ..

عموما .. تبقى هذه المباراة فقط كـ رد لأي مشكك حول الكتلان وانهم فريق حكومه وما الى ذلك وان الحكام دوما مع الكتلان .. طبعا الكل يعلم الحقيقة قبل هذه المباراة .. لكن اتمنى من من لايعلمونها أن تكون هذه المباراة كافية لتنويرهم



في الختام .. هارد لك لكل كتلوني عاشق للبارسا .. المباراة انتهت بنتيجة لم يكونوا يحلمون بها .. لكن عرفوا من أين تؤكل كتف الحكم .. .. وبإذن الله ريكارد تعلم كثيرا من أخطائه المتكرره واصلاحها قبل فوات الأوان ..