نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

مجـــــــــــــد · #22 11/03/2007, 02:00 AM

فرصه ضايعه

أهــلاً بمن احتلت بالفؤاد مكاناً عظيماً, فرصة أوَ تعلمين أنك أهم المكاسب الحقيقية لي في هذا العالم, كثيراً ما تضحكني (سلاااااااااااااااااااااااام ) لأني أشعر أنها عفوية لا تصدر إلا ممن يمتلك كقلبك.

إقتباس


	اعذريني على السحبه الأليمه انا احسبني راده والله .... بس اكتشفت أني ساحبه عليك

تصدقين فرصة قلت شكل البنت فيها شيء, وش سحبته؟؟ و بعد البحث اكتشفت إن أنا اللي فيني أشياء مش شيء

بس ترى و الله الذاكـرة ميح, و ترى الموضوع عادي فرصة

إقتباس


	يعني حنا يومنا صغار كانوا أهلي أي شي بنسويه غلط يخوفونا من خالي ... يقولون ترى بيوديكم للشرطه عشانه كان يلبس لبسهم .... وكانت له هيبه ويروعنا ....

نفس الأسلوب اللي متبعينه مع عيال أختي, لكن حنا كانوا يخوفونا من البلدية و الله إلى يومك ذا أخاف منها

إقتباس


	اما سالفه النت فأبعدي عن الشر وغنيلوه ....

و الله يا فرصة مبعدين بس هذاك قلتيها, يشبكون على كيفهم و يجـربون مواهبهم في التأليف

إقتباس


	ياحليلكم زينا ... المشكله أن جدتي الله يحفظها دايم تهوشنا وتقول وراكم ماتساعدون أمهاتكم وتطبخون وتنفخون بدالهم .... نقول حنا لاحقين على الشقى خلينا نستانس الحين ونتمتع بشبابنا >>> نقولها كذا نبي نثيرها شوي ولا جا الكلام عند خالاتي تخليهم كاملين مكملين ... وهي لا أجتمعوا عندها ماتتكل كلش تسويه بروحها ... وش تسوين مع هالجده

يا بنت الحلال خالاتي ما غير يسولفن معنا و إن جو عيال خالي كشتوا فينا و جلسوا معهم, و كل شيء على الشغالة, و جدتي كل شوي بنات أخوي و بنات أختي-هم ساكنين بقرية- و ما غير مدح فيهم عاد مرة راحت معها خالتي و ولد خالي و كشفوا المدح الزايد

إقتباس


	أما كلامك بيردون عليك أنهم منول يوم كانوا بنشاطهم وهم يزينون كلش من دون اجهزة ... أما الحين الكبر شين يابنيتي ودامهم ريحونا بهالاجهزة بنتبع وسائل الراحه <<< وش رايك بردي من واقع خبرة بردودهم

بطلة يا بنت

لا تكونين منهم و حنا ما ندري

إقتباس


	ياحليلنا منول <<< اخس عليها الجده لا جد كنا مؤدبين وش حليلنا ... الحين يالله سترك بس .... يردون على المدرسات ويتطنزون ومب بعيده يضربونها تربيه الدلع هي اللي خربت العالم ...

و الله يا فرصة يومني في الثانوية انطقت وحدة من المعلمات طق, كل ذنبها إنها جات في مدرسة كل اللي فيها بنات قبايل و لو غلطتِ على وحدة فزعن الباقيات

إقتباس


	ههههههههههههههههههههههههههههههههه أخوي من الحين يقول ترى مانيب متزوج قبل الثلاثين قلت له وش دعوى علشاني خلها 27 أحس هالعمر مناسب ... بس مع الظروف الراهنه ماظنتي أنهم بيتزوجون قبل الثلاثين

ليه يا حافظ ما يتزوجون قبل الثلاثين؟؟ اثنين من إخواني تزوجوا في عمر 22 لأن التكاليف كلها على الوالد الله يطول بعمره.

إقتباس


	وأول مرة أشوف بنوته تشيل المرايه من غرفتها يختي لو ماطليت بخشتي يوم كان انهبل

أخاف لا شفت خشتي ما يردني حتى جبل أحد

إقتباس


	وخلي طموحك قدام عينك دايم ....

أووووووووه يا فرصة الطموح اغتالوهـ

فرصه ضايعه

لحضـورك عطر ياسمين تفوح رائحته بين جدران الفـؤاد.

شكـراً فرصة على الرد, على الاهتمام, على مشاعر أخوة أغدقتي بها عليّ, باختصار شكـراً فرصه على كل شيء

صدى الامس

صدى الإبداع, و نبع الإمتـاع, حتى و إن كان للأمس صدى إلا أنه للإبداع نهـرٌ لا ينضب, روحٌ فكاهية تجبرنا على البحث عن مـزيدٍ منها سواءً هنا أو هناك;)

مـرحباً بالإبداع بين قصـر أحرفي.

إقتباس


	يعني مافيه شي اسمه حب الخير .. ومعاملة القريب كأنه اخو ..

إذا كان متزوج عادي يعتبرونه كـأخو, بس إن ما كان مـتزوج فيعتبرونه كـ حبيب

إقتباس


	مشكلة الحين اذا سألت عن القريبات تبدأ سوالف الغمز واللمز وليش وما ادري وش ؟؟ يعني مهوب عادي اني اسأل عن بنت عمي وبنت خالي !!؟؟

و الله هالشيء يا صدى ما عانيت منه مع إخواني أو خوالي, عانيت منه بس مع الحريم باختلاف درجة قرابتهم لي.

إقتباس


	يعني بعض الناس يتساهل في اعراض الناس والكلام عليهم ..

يا ليت الواحد قبل ما يحكي يتذكر إنه يتكلم بعرض الناس و يحس بهالكلمة

إقتباس


	بس زين ما سويتي مسكتي عليهم صور << يسمع بالتشبيه

و الله يا صدى حتى بالساعة و الدقيقة كل شيء مكتوب

>> من الفضاوة, بس خوالي يقولون لا تراددين جدتك أي شيء تقوله قولي صح بس ما علي منهم;)

إقتباس


	مالي الا ادعي لتس .. ربي يوفقتس ان شاء الله .. وش هالحاله

الله يوفق الجميع و يسعدك يا رب

إقتباس


	من تقصدين ؟؟ ههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههه

بجد أقصد نفسي و أنت, ترى و الله أسويها, مرة نشبت لدكتور كنت مسلمته واجب و فيه أخطاء ما انتبهت لها إلا وقت المناقشة و جلست أناقشه في الأخطاء الإملائية و النحوية عصب علي و قال دحنا مش في حصة عربي

صدى الامس

يبقى لصدى الأمس و اليوم و الغد أريجٌ تبعثه روحٌ مـرحة تختفي بين سطورك

شكـراً لأريجٍ بعثته في المكان.

ولد وايل

و ذكـرياتُ زعيمٍ تنتشي بحضـورك الذي ينثر السكينة مع كل حـرفٍ من حـروفك.

إقتباس


	مجد الله من الغبار ...................تذكرت موقف

تهقى أكثر من غبارك؟؟

طيب قول الموقف>>[ يالقفي ]

إقتباس


	انا احيانا تجين هالسوالف لكن قليله مره واعتقد ان المشكله من الروتين اليومي اللي نعيشه خصوصا انتم والا حن يالشباب نقدر نغير في يومنا يعني اهون منكم شوي

لا و الله الروتين مو السبب, بالعكس أنا كثير متاح لي تغيير يومي بس ماش أنا ما أساعد

فالك الجنة يا ولد وايل, و بعدين و اللي يرحم والديك لا غيرت يوزرك بلغ مو تسبب رعب

ولد وايل

و ابتسامة وضاءة ترتسم على محياي بمجـرد قراءة أحـرفك, فما بالك أن تكون أحـرفك رداً على صغيرةٍ مثلي؟؟

دمتَ بكـرم حـرفٍ دوماً تمنحه أحـرفي