نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

فرصه ضايعه · #13 08/03/2007, 11:39 PM

وعليكم السلام ورحمة الله وبركاته

هلا والله بالغاليه .... مجد الماجد

أخبارك ؟؟؟
اعذريني على السحبه الأليمه انا احسبني راده والله

.... بس اكتشفت أني ساحبه عليك

الله عليك دقيتي مب بس على وتر حساس إلا قولي أوتار حساسه بمجتمعنا

وبعضها أنا خضت تجربه فيها

خلينا نبدأ ,,

إقتباس


	فأثار فضول الطفل ( ماما ليه هذا كذا مربوط؟؟) كان جوابها كالصاعقة ( عشانه ما يسمع كلام أمه, و أنت لو ما سمعت كلامي يربطونك زيه) تلقائياً انتقلت عينيّ للسجين لأرى نظرات التهكم و السخرية على وجهه من جراء كلامها.

ياكثرهم اللي سياستهم بالتربيه كذا

فاهمين التربيه غلط

....
يعني حنا يومنا صغار كانوا أهلي أي شي بنسويه غلط يخوفونا من خالي

... يقولون ترى بيوديكم للشرطه

عشانه كان يلبس لبسهم .... وكانت له هيبه ويروعنا

....
بس عاد يوم كبرنا شوي وفهمنا الدنيا

ماعاد يقدرون ينصبون علينا وراحت الهيبه:p

طبعا حركة أهلي نقدر نمشيها لأن ماتضرر أحد من كلامهم

....بس كانوا يبون شي يقدرون يهددونا فيه

بس هالحرمه غير

يكفي كلامها أنه سمعه هالمسجون

وكان مثل السم بالنسبه له وشلون عاد لو كان مسجون ظلم

إقتباس


	جـزء من موقف يحدث دوماً لي و ربما للكثير, لمَ يُفـسّـر اهتامنا بأي شخص من الجنس الآخر على أنه حب له متوج بحلم السكن معه في منزل واحد ( يعني راسمة عليه )؟؟ لمَ دائماً نقدم سوء الظن على حسنه؟؟ للأسف حتى هنا في الانترنت بقيت هذه المعاناة و تعددت أشكالها!!

سوء الظن الله يكافينا شره ...
الحين الواحد احسن شي أنه يسكت ولا يخالط هالعالم المريضه

....
أنا صار لي موقف مع سوء الظن الله لا يعيده أن شاء الله والله يعلم بحالتي ذاك الوقت ماخليت أحد من عايلتي إلا وشكيت له كودهم يخففون علي وبعد احتراق دام أكثر من شهرين ظهر الحق

اما سالفه النت
فأبعدي عن الشر وغنيلوه

....
وياكثر مايضنون سوء وخاصه لا شبكوا لك مع عضو وقعدوا يوسوسون أن بينكم أكيد علاقه ومن هالكلام

...
ولا لا فسروا كلامك بنظرهم وخلوه على الشين

.....

إقتباس


	لمَ تنطلق سهام الشك بمجرد رؤية شخص يملك رقمين؟؟ لمَ مجتمعنا يعتبر أن من يحمل رقمين هو إنسان ( لعّـاب )؟؟

أنا جاني رقم موبايلي برصيد كبير هديه

وبديت اشيل جوالين

....
واستغربوا بعض الناس

... يقولون وش عندك ولا بعد موبايلي ... حق المغازل

....
عاد أنا أحب أخليهم يحترقون وأقول لو تدرون بعد أنه هديه

وش بتقولون

عاد هم يعرفوني أني الحمد لله مب لم هالخرابيط

بس مع ذلك استغربوا

وعشان اقطع شكوكهم اهديته للوالد

....
استخدمه كم يوم وعقب نطله علي ماجاز له:sad: وللحين رصيده ماتغير واجد

اللي يبيه تراي مستغنيه عنه

إقتباس


	هل من الممكن لحريم زمان أن يعيشوا كما كانوا دون وسائل التقنية الحديثة؟؟ أرى في من حولي من الجيل السابق أنه الأكثر اعتماداً على الأجهزة و المعدات الكهربائية, فهل بإمكانهم العيش في جيلنا و ترك أجهزته لنا؟؟

ياحليلكم زينا

...
المشكله أن جدتي الله يحفظها دايم تهوشنا وتقول وراكم ماتساعدون أمهاتكم وتطبخون وتنفخون بدالهم

....
نقول حنا لاحقين على الشقى

خلينا نستانس الحين ونتمتع بشبابنا

>>> نقولها كذا نبي نثيرها شوي

ولا جا الكلام عند خالاتي تخليهم كاملين مكملين

...
وهي لا أجتمعوا عندها ماتتكل كلش تسويه بروحها ;) ...

وش تسوين مع هالجده

أما كلامك بيردون عليك أنهم منول يوم كانوا بنشاطهم وهم يزينون كلش من دون اجهزة

...
أما الحين الكبر شين يابنيتي

ودامهم ريحونا بهالاجهزة بنتبع وسائل الراحه;)
<<< وش رايك بردي من واقع خبرة بردودهم

إقتباس


	لمَ يكثر في الجيل الحالي ظاهرة عدم احترام الأكبر سناً؟؟ سأتحدث عن المدرسين خاصةً, كثرت في الآونة الأخيرة قصص نقـرؤها أو نسمعها عن ضرب الطلاب لهم, من الذي يحمي المدرسين من هؤلاء؟؟ ( و الله صرت أخاف أنضرب من هالبنات )

ياحليلنا منول

<<< اخس عليها الجده

لا جد كنا مؤدبين وش حليلنا

...
الحين يالله سترك بس

.... يردون على المدرسات ويتطنزون ومب بعيده يضربونها

تربيه الدلع هي اللي خربت العالم

...
ومبدأ خذ حقك منه حتى لو أنت غلطان كثير من الأسر تربي أولادها على كذا

...
حنا دايم يسمونا زلايب

ولا دابتن مسلمه

عشانا مانتعرض لأحد حتى لوه معتدي علينا

أهلي معودينا أن حقنا مب ضايع نلقاه عند ربنا

دايم ننقهر بس وش السواة مالنا غير ربنا نطلبه

إقتباس


	ليه الواحد بمجرد ما يتوظف إلا و نشبوا له أهله بنخطب لك؟؟ ليه الوحدة أول ما تتخرج إلا و ينشبون لها خلاص بنزوّجـك؟ و تبدأ التساؤلات هاه بنتك انخطبت و لا لا؟؟

ههههههههههههههههههههههههههههههههه
أخوي من الحين يقول ترى مانيب متزوج قبل الثلاثين

قلت له وش دعوى علشاني خلها 27

أحس هالعمر مناسب

... بس مع الظروف الراهنه ماظنتي أنهم بيتزوجون قبل الثلاثين:p

أما البنيه مسيكينه:p ...
تحمد ربها أن أهلها موافقين أنها تكمل دراستها

... ولا لو الود ودهم كان زوجوها وهي تدرس;) ...
بس عارفين رد بنتهم

إقتباس


	::في الخارج::

ياعمري عمرك وراك كذا

...
يالغلا مايصلح ذا الكلام

... ماتشوفين أحد ولا أحد يشوفك .... وشلون عايشه

..
وأول مرة أشوف بنوته تشيل المرايه من غرفتها

يختي لو ماطليت بخشتي يوم كان انهبل

فيه وحده نعرفها كانت زيك

لا رحنا لهم ماتطلع لنا

ولا قلنا لأهلها يقولون حنا يالله نشوفها تبونها تطلع لكم:sad: ....
عاد كنها باديه تدخل للمجتمع من جديد

.....
هي فنانه بالرسم ماشاء الله

قلت لأهلها عطوني رسماتها خلوني افسر لكم نفسيتها

...
أن شاء الله تحسن حالتك مثلها

المهم ...
خليك قريبه من ربك دايم وكثري استغفار ودعاء وابدي امسكي الكتب الاسهل وتدرجي بالصعوبه

...
ودايم حسسي نفسك أنك بتتجاوزين هالشي

وأنك مب ناقصه عن هالعالم وش زودهم عنك

...
وخلي طموحك قدام عينك دايم

....والله يوفقك ويسهل عليك

بس حالتك مع أهلك ومع الناس لازم تعالجينها;) ....

دمتي شامخه وقويه

....

سلاااااااااااااااااااااااام ,,