السلام عليكم ورحمة الله وبركاته


رساله من مشجع هلالي مقهور على الشيء اللي يحصل بالهلال وللاسف ماشفت غير خيرها بغيرها

طيب ولمتى راح ننتظر بصراحه قلناها قبل الفريق بهؤلاء اللاعبين لن يبتعد كثيرا في البطوله الاسيويه


والسبب معروف وواضح وهو ان بعض اللاعبين وليس الكل لايحترمون الشعار اللي يلعبون له وغير مخلصين


والبعض اتمنى مانزعل عليهم لان هذا مستواهم اصلا هابط ولايستحقون شعار الهلال والله العظيم اني صرت


اخاف من اي فريق يلعب للهلال لان الهلال الحقيقي اختفى مع غياب الثنيان وسامي الجابر الاسطوره


والهلال الحالي باللاعيبه الحاليين اقول مكانه الحقيقي بطولة الخليج وهي اللي ماقدر عليها


بتقولون هذا مندس هذا نصراوي هذا منفعل بقولكم هذا العقل اذا اردنا ان نفكر صح


انظروا مثلا النصر وهو بلاعبين مستهلكين يفوز عليه بالثلاثه مع الرأفه ونحن مثل ماقال اميرنا الرائع


مانستحق الفوز ولانستحق التعادل معه حتى والفريق الكويتي رأف بحال الهلال والكل شاف لاعبين متعالين


على الكره ووسط ضائع ودفاع ماعندك احد بأستثناء تفاريس والدعيع حتى لانهضم حقهم على المستوى


الرائع اللي لعبوا فيه لكن البقيه ماعندك احد وكفايه مجاملات وخلاص تعبنا والله حاظرين المباراه من بعيد


كله علشان يبيضون الوجه لكن مالقينا منهم اي احترام لنا حتى مستوى ماقدموا والدعيع انقذ الهلال


من نتيجة كانت ستسجل في موسوعة جينيس للنتائج الكوارثيه والله نحضر بهذه الكثافه وهذا العدد الكبير


واخر شيء يسوون فينا كذا والله حرام وبصراحه اكثر ماضحكني وانا مقهور بعد المباراه من بعض الجماهير


يقولون ليه طلع ياسر القحطاني وبصراحه ياسر انا معكم ومايبيله شهاده لاعب فنان بس بالمباراه هاذي


اهان الهلال لان الفرص اللي جاته مايضيعها لاعب مبتدىء ولاعبين الوسط بعد خالد عزيز ظهروا على حقيقتهم


اتمنى من ابو سلطان وياليت هالطلب يتحقق انه يبعد بعض اللاعبين اللي ما احترموا شعار الهلال واهانوه بالمستوى


الفاشل جداااااااا وانه يهتم اكثر باللاعبين الشباب مثل المرشدي والياس وفهد سرور وغيرهم كثير


بصراحه اتمنى من الاداره الاسراع في انزال اشد العقوبات على اللاعبين المتخاذلين علشان يرجعون لمستواهم


او الهلال في غنى عنهم ومن الان اقولها لكم اذا ما طبقت مبدأ العقاب على اللاعبين اقولها وبكل صراحه


علينا نسيان البطوله الاسيويه


مباراة الهلال القادمه امام الطائي والاتحاد فاز عليه بستة اهداف لنرى ماذا نفعل معه رغم يقيني وتأكدي ان


الطائي راح يبكينا اكثر والسبب لان الاتحاد مايضيع فرص واحنا ما شالله علينا نضيع بالكوم واخر شيء نطلع


بالفوز بولاده متعسره او بالتعادل



ودمتم جمهور الهلال العظيم بألف خير