فعلا أبو سلطان .. أتفق معك في كل جملة قلتها بخصوص ريكارد .. فرانك ماعاد هو زي أول .. لازم ياخذ دوره تدريبيه أعلى مستوى مره ثانية علشان يرجع بتكتيكات أعلى وأفضل .. فرانك من طينة مدربي موسمين وخلاص .. خلال الموسمين الي راحن شفنا فريق لايقهر .. تكتيك وأداء عاليين .. ماكنا نزعل علشان الفوز كنا نزعل علشان المستوى ماكان الي نبيه مع اننا نفوز .. والكل يذكر اسبوع الأربعات وأسبوع الخمسات !
ما أدري لكن أتمنى من ريكارد مايكون ناوي على شي حول الانتقال للميلان أو أي فريق ثاني .. تفكير غبي أدري .. بس الي يسويه ريكارد هالموسم شي عجيب وغريب .. صحيح ان الإصابات كانت سبب لتدهور الفريق ماحد أنكر .. بس وش يسوي المدرب هنا ! الاعبين اذا كانوا كاملين يقدرون يسوون أي شي .. بس المدرب هنا شغلته يوضف الاعبين بغير مراكزهم .. ياخي اصيب ايتو وميسي دور الأفضل بدالهم .. قناعاتك الي أوصفها بأنها قناعات مدرب مبتدأ الى حد بعيد بالتدريب اتركه عنك !
الاعبين امس ما ألومهم الصراحة .. تعليمات ريكارد هي الي خلت منهم ألعاب وصور داخل الملعب .. باين عليهم الحماس وكذا .. بس مراكزهم ماتسمح لهم يسوون شي دام ريكارد بيبتل على قناعاته .. خطة أمس يبيلها مدرب فاهم وواعي .. مهب واحد يريح لي اهم عناصر الفريق ويولف بالتشكيلة .. !
. .. .. .. .
امام الليفر لازم نتاهل .. واذا كنا نبي التأهل لازم نحط خطة متوازنه ياريكارد .. شغل البزوطة مايمشي قدام الليفر ياريكي وعلى ملعبهم .. الي سويته اليوم وضح انك تفكر بمباراة الليفر .. وبكذا وضح انك لك مده وانت تفكر فيها وتخطط لها .. لذلك اتوقع أنسب خطة لليفر هي كذا :-
فالديز
زامبروتا ----- بويول ---- تورام ----- ألقوير
موتا
---- زافي
ديكو ---------------
روني ------------------------ ميسي
ايتو
مع تواجد روني المكثف في منطقة وسط البارسا لتمويل ايتو باكبر قدر ممكن من الكور .. طبعا موجودين زافي وديكو .. بس هذولا شغلهم لازم يتركز أكثر بـ المحور الهجومي وهذا الي يميز الليفر .. عندهم واحد هجومي وواحد دفاعي على أعلى مستوى .. ألونسو وسيسوكو .. لازم نوقفهم ونتفاداهم بنفس الوقت لانهم اذا تحرروا بيسوون مشاكل لها اول مالها تالي للبارسا ..
. .. .. .. .. .
شباب .. كم سؤال حبيت أشوف آرائكم فيها :-
أولا هل تعتقد أن ريكارد بمباراة أمس كان يفكر بـ لقاء الليفر أكثر من لقاء إشبيلية وأكثر اهتمام منه .. ؟ خصوصا انه ريح ديكو وتورام وايتو مالعب الا ربع ساعه يمكن .. والادهى من هذا طلع روني نص الشوط الثاني !
ثانيا هل تعتقد أن هـ الموسم هو آخر موسم لريكارد مع البارسا خصوصا بعد التخبيطات الأخيره له هالموسم وخصوصا أمام الفرق الكبيره !
ثالثا رايك بأنسب خطة للبارسا بمباراة الليفر ! | 