ياصباح الخير يابو سلطان

إقتباس الرسالة الأصلية كتبت بواسطة Hilali 3asal كيف ترى حظوظ الفريق في البطولات الثلاث التي يشارك فيها ؟

في الليقا الحمد لله ماعندنا مشكله بس تقدر تقول ان فيه كذا مباراه هي اللي راح تأكد حسم البرسا لللقب

اشبيليه - ريال مدريد - .. فيها ست نقاط يعني لو فاز في هالمباريات نقدر نقول هالموسم كتلوني

اما التشامبيونز ليق ان عدينا من الليفر في الانفيلد ماراح ناصل لادوار متقدمه

اغلب الفرق جالسه تقدم مستويات قويه بعكس برشلونه

يعني عندك مانشستر .. ريال مدريد .. انتر ميلان .. فالنسيا .. روما

برشلونه راح يقابل فرق ماصادفتها مشاكل اصابات او غيابات او هبوط مستوى لبعض اللاعبين

إقتباس الرسالة الأصلية كتبت بواسطة Hilali 3asal @ تعتبر كأس اسبانيا اقل البطولات اهمية بالنسبة للفريق وربما يريح رايكارد بعض اللاعبين الأساسيين قبل وأثناء المباراة امام سرقسطه ، لو خسر الفريق التأهل ( لا سمح الله ) فهل تعتقد انه سيأتي بنتيجة ايجابية من خلال راحة اللاعبين من المشاركة في الكأس والتركيز على الليغا ودوري الابطال ، ام تكون الخسارة ذات مردود سلبي على اللاعبين من خلال فقدانهم للتأهل وخاصة في مباراة ليفربول التي لا تقبل التعويض ؟

اتوقع بيكون مصير هالبطوله المردود السلبي على اللاعبين واكبر مثال كأس الاتحاد طقطقوا علينا اشبيليه بثلاثه في الصميم

وعقبها لعبنا كاس العالم للانديه ورقعونا انترناسيونالي .. يعني المفروض ان الخساره توّلد الرغبه بالفوز

بعكس ماشفنا من برشلونه اللي مستوياته ضعيفه في اغلب مبارياته

يعني ان طلعنا من ليفربول مااتوقع ان الليقا بتكون سهله مثل الموسم الماضي

إقتباس الرسالة الأصلية كتبت بواسطة Hilali 3asal @ مع عودة جميع اللاعبين الغائبين ما هي من وجهة نظرك التشكيلة الافضل للفريق ؟

فالديز
جيو .. بويول .. تورام ... زامبو

ادمي

اكزافي .. ديكو

روني .. ايتو .. ميسي

إقتباس الرسالة الأصلية كتبت بواسطة Hilali 3asal @ هل تؤيد بقاء اوليجير اساسيا في منطقة الظهير الايمن ام مشاركة زامبروتا في هذه الجهة والاستفادة من جيو او سيلفينهو في منطقة الظهير الايسر ؟

لو هي على التأيد كان قلت اقلعوا اوليقير وبيللتي عن الفريق كله بس الشكوى لله

اتمنى زامبو على اليمين وسيلفي ع اليسار

إقتباس الرسالة الأصلية كتبت بواسطة Hilali 3asal @ هل تؤيد مشاركة ميسي حاليا منذ البداية ام يكون بديلا في الشوط الثاني كما حصل في مباراة بلباو ؟

ميسي خلاص جااااهز .. ومن الغباء انه مايلعب اساسي اما اذا كان احتياطي ماراح يعطي في الملعب كثر ماهو اساسي

إقتباس الرسالة الأصلية كتبت بواسطة Hilali 3asal @ مع تواجد تورام بجانب بويول في منطقة الدفاع اي هؤلاء الثلاثي تفضل للعب في منطقة المحور بجانب تشافي ( موتا - ادميلسون - ماركيز ) ولماذا ؟

بكل تأكيد ادميسلون

اخطائه مهيب واجد وتستفيد منه في الكرات الطوليه .. ولاعب يجيد الادوار الدفاعيه لكنه عصبي ويقدّر شي اسمه كرت :p

موتا .. اخطائه واجد وبركته قليله

ماركيز .. في المحور يجيب العيد ومافيه تفاهم بينه وبين باقي اللاعبين ... تحسه يلعب لحاله

إقتباس الرسالة الأصلية كتبت بواسطة Hilali 3asal @ يتفق الجميع ان اللاعب جوديانسن يستفيد منه الفريق اكثر كلاعب وسط مهاجم على الجهة اليمنى ولكن هل تعتبر انه البديل الافضل في هذه الخانة ام ان مشاركة انيستا في هذه الجهة تعطي فاعلية للفريق اكثر ؟

وانا اشوف انه يقعد احتياطي اصرف .. انييستا لاعب تكتيكي ومهاري وتلقاه في كل مكان

واللي بيفضل جودي عليه ماعنده سالفه ..

الاصفر يجيد اللعب في اكثر من مركز سواء قلت وسط او هجوم او على الاطراف .. يعني بتاع كله

إقتباس الرسالة الأصلية كتبت بواسطة Hilali 3asal @ أخيرا ما مدى قناعتك بالمدرب رايكارد وهل ترى ان خططه اصبحت مكشوفة للخصم ؟ وهل تؤيد استمراره لموسم قادم ؟

ريكارد مدرب كبير عرف يوضف اللاعبين اللي عنده .. لكن بعض قناعاته ماتعجبني

خصوصا اذا سحب لاعب وسط على حساب مهاجم .. هالحركه سبعطعش الف مره تنكبنا والى الان وهو مستمر عليها

هزمونا اشبيليه والليفر والسبب سحب لاعبين الوسط .

وأأيد استمراره للموسم الجاي لان استقرار النادي امر مهم وهذا اللي جالسين نشوفه في برشلونه

التفاهم والاستقرار نفعتنا لكن الغيابات والاصابات نكبت العفش


عافاك الله يابو سلطان على هالاسئله ياليت كل يوم تسوي كذا ودي ابربر

اول شي بالتوفيق للبرسا الليله قدام البثرين ثرقوثا :p