نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - طريقـة تحضير بروستد ضبـبه بالصور ( شيف نمبر 3 )

جني نت · #1 26/02/2007, 11:28 PM

بروستد على كيف كيفك ؟؟

يا زين البروستد عالصبح

تحتاج إلى
قدر كاتم (حيث انه اسرع في السوا)
و مقلاة
و-ملح - بهارات - وليمون اسود- دارسين-بصل -طماط- ثوم
- بيض - بقسماط ( خبز مدقوق)
- زيت

طريقة التحضير:
في حالة عدم الذبح ( عد قولي لبو العيال يتكفل بهاالخطوات الا اذا كان فيك شده فخير وبركه
ملاحظة: ترا عادي ان الضب يبعد السكين بيده ( يعني سم بالله واذبحه ولايهمك )
1- ذبح الضب لاتنسى التسميه)

2- شق البطن وتنظيف محتوياته ( مع مرعاة ان الثروب(تبي تلاحظ مثل الاكياس الصفر) والبيض في الانثى مايجدع

3- شق من بداية الصدر الى اسفل بتجاة العكره واخراج الجهاز التناسلي الى بااول العكره
4- تقطع اليدين والرجلين من عند المفصل الاول
5- سلخ الضب ( وسلخه مايبي له شي كنه يقشر تقشير الى العكره سلخها اقشر شوي )
والعكره يمكن تقشيرها بعد الطبخ بسهوله

6- يقطع قطع صغيره على حسب المزاج ام العكره تقطع على شكل قطع سميكة

7- يتم غسيل الضببه بماء وبعضهم يحط معها ليمون وملح ولو اني اشوف الماء يكفي

8- يتم تقطيع البصل والطماط ووضع الضببه في الكاتم مع وضع الملح والبهارات والومي والدارسين والثوم والماء
ويترك في الكاتم اذا كانت الضببه متوسطه لاهي كبيره ولا صغيرة 20 دقيقه ( يتم حسابها من بعد تصفير الكاتم )
وبعدها تشيل الصفاره لين يخلص منسم

9- بعد ذلك تصير مرقة على كيف كيفك ويتم اخراج الضببه على جنب

10- وضع الضببه في البيض همن باالبقسماط

11- وضعها في الزيت الين تغدي ذهبية اللون

&&& ويتم تقديمها ساخنه &&&

وبالهناء والشفاء

ملاحظة : البعض تبي تحوم كبده .. بس ترى انا مالي دخل .. وموب انا اللي مسوي هالطريقه .. !!