الاخت المملكه
مساك الله بالخير

صدقيني ورغم سلبيات رئيس النصر وضلوعه في نشر التعصب بين لاعبي الانديه وجماهيرها واعلامها الا ان فيه ميزه لاتوجد في غيره !!!!

الميزه هي رفع درجة الحماس والروح لدى افراد فريقه والتعامل معهم بشده ومحاسبة المقصر او ( المدلع) وما اكثرهم !!!!!

صدقيني لو ان المسؤولين في الرئاسه استعانوا به واعطوه صلاحيات (اداريه فقط) ما انهزمنا بالثمانيه ولا شفنا عبد الغني يتفرج على احدى الهجمات ويمشي على اقل من مهله !!!!!!
ولا يمكن نشوف الدوخي يترك اللاعب وراه وبعد ما يستلم الكوره يطارد اللاعب من وراه !!!!!
المباراة الاولى كشفت لنا نقطة مهمه وهي ضعف الاستعداد رغم طول الفتره !!!! وتصديق الاعلام حتى لعبنا امام المانيا وكان النقاط الثلاث في جيوبنا !!!!!! حتى دفعنا الثمن غاليا في المباراتين الاخيرتين !!!!

يقول لي مصدر موثوق مع بعثة المنتخب ان اللاعبين كانهم في سجن !!!!! يقضون وقت فراغهم في لعب البلوت ويكرهون بعض لدرجه لا يمكن تصورها !!!!! حتى ان الخوجلي ونور تضاربوا من كثر الطفش !!!!! وغيرهم تضارب كثير 2 منهم من لاعبي الهلال تضاربوا مع بعض ( احتفظ بالاسماء الى ما بعد البطولة الاسيويه )!!!!! الم يلاحظ المثالي تركي بن خالد حالة التنافر بين اللاعبين؟؟؟؟ الم يلاحظ حالة الطفش والفراغ !!!!! لماذا لا يتم عمل برامج لها فائده كمشاهدة بعض مباريات المنتخبات التي سنلعب معها !!!!! بدلا من لعب البلوت !!!! حتى ان اخبار بطولة البلوت تصلنا في الصحف !!!! وصرنا نعرف من الحريف من الغشيم !!!!!! مهازل وقلة وعي وعدم ادراك للمسؤوليه الملقاه على عاتق كل فرد من مدرب (رغم انني استبعد اي مسؤوليه لهذا المدرب المتحمس) ولاعب واداري (طيب الاسم فيصل عبد الهادي ) ومشرف !!!!! كل هؤلاء ماخذين الدعوى سياحه وفلة حجاج !!!! ولا يهونون الصحفيين اصحاب المصالح !!!!

لو فيه شخص شخصيته قويه ويعرف كيف يتعامل مع الاعلاميين والاداريين واللاعبين كعبد الرحمن بن سعود كان فيه كلام ثاني رغم تحفظي على بعض تصرفاته الا انه افضل من يتعامل مع المتخاذلين واصحاب المصالح ولا يمشي عليه شي !!!!! ويمكن الله يهديه ويترك التعصب منه لو اعطي مسؤليه الاشراف على المنتخب !!!!

اللي رافع ضغطي ..... كان ودي ان لاعيبتنا المدللين لقنوا المتغطرس مكارثي مدرب ايرلندا درس وطردوه هو وفريقه من التصفيات !!! كان يعلق لاحدى القنوات يوم النصر يلعب في كاس العالم وكنت ايامه في بريطانيا ...وكان الاخ يقول ان لاعبي السعوديه لا يمكنهم فعل شيء في عالم كرة القدم مادام دينهم يمنعم من ممارسة الكره !!!!!!!!!!!!! كلام يقهر !!!! وختمها بفوزه علينا وبثلاثه !!!! وكان بالامكان الفوز عليهم لو كان كل من مثلنا يعرفوا وش معنى وطن وش معنى علم !!!!!! لكن الله يجازي من كان السبب !!!!