هلا والله اخوي سراب الدمع .. وش اخبار الخلطه والبلك عساك صفيته زين

اخوي انت مايهمك شعار القناه والا اسمها لانه مهوب مهم لانه يكفي تدخل التردد اللي عطيتك وماراح يطلع عليه الا القناة الايرانيه , يعني ماراح يطلع عليه قناة ثانيه .. وان كانك ملزم تعرف الشعار فهو ثلاث خطوط بالطول وواحد منهن اطول من الاثنين الثانيات ويطلع في اعلى الشاشه يسار واذا كانت تنقل المباراه طبعا على الهواء يكتبون تحت الشعار زنده يعني مباشر .. وباقي القنوات وحده اسمها مكتوب كذا( دو) ويكون في اعلى الشاشه يمين ووحده منهن شعارها نجمه ثمانيه ( اسلاميه ) ويكون في الاعلى يسار والرابعه شعارها يتغير لانها تاخذ من اكثر من قناة على مايبدوا ..

وانا من رأيي تخلي شغلك في الدش في وقت احسن من هالوقت لان الشمس بتصلخ جلدك والمباريات ماراح يمديك عليها اليوم .. فتعوذ من ابليس وخل شغلك بين عشاوين والا تالي الليل في هالبراد يالله من فضلك ..