- الهاوي : هااااي أبو أنان ، هاو آر يو مااان ؟؟
- عنان: هاااي ، هوو از تو كنق؟؟
- أنا حمود أحاتسيك من السعودية أنت توحي؟!
- هلا هلا، صدق أنت من السعودية؟؟
- إي والله وان كان لست مصدق أسمعك الأماكن لابو نوره أو يا أسود ياسواد الليل لعلي عبدالكريم
- خلاص مصدق بس وش تبي؟؟
- وش أبي ؟؟ أبتوطأ ببطنك يا ولد الحراش
- ليه بس ياحمود ( وياخذ له مزه من السيجار الكوبي)
- أول شي ابعد براطمك عن المايك ريحتك دمااار!!، ثاني شي وشو ذا دليل التنمية البشرية اللي أنتم مطلعين جعله تطلع أرواحكم
- أووه ، هذا دليل تعبنا عليه واشتغلنا سنوات علشان نجمع البيانات الدقيقه لكل دوله من دول العالم
- طيب ، هل أتيتم لمّـنا ؟؟ وشفتوا مطار الملك خالد و برج الفيصلية وبرج المملكة والشوارع الوسيعة وأرقى المطاعم وأرقى المحلات؟؟
- ايه ، ولنا مندوبين مروا على السعودية كلها مهوب بس الرياض ( افلقني عنان يقول "مهوب")
- طيب حنا متحضرين ومتطورين وعندنا تقنيات حديثه ولاّ لأ؟؟
- نعم صحيح ، وكنا نعتقد في السابق أنكم تركبون الجمال وتعيشون في البراري ، ولكن فوجئنا بالتمدن والتطور العمراني عندكم
- حلو كلام جميل ، طيب ليش تغشون بالدليل وتحطون قطر والامارات والبحرين والكويت وعمان كل ذولا قبلنا!! شكلك ماشفت بطولة الخليج اللي بالرياض هزأناهم تهزيئ وأخذنا الكأس ورفعه سامي وصرنا حنا الأول قبلهم كل ابوهم
- طيب ولا تزعل ياحمود لكن أبسألك وابيك تجاوبني بصدق وأمانه
- اسألني يابعد عمري الله ياخذ روحك
- كم دخلك الشهري ياحمود؟؟
- مالك دخل أخاف تنحتن <<<<< الله يرحم حاله
- طيب أنت عارف وانا عارف انه تقريباً 70% من شعبكم ماتزيد رواتبهم عن 5000 ريال وانا اقول تقريباً
- لأ أنا منب عارف ، أنا حمود وبعدين أنت صادز
- طيب ، وشلون التعليم عندكم؟؟
- أنا أنهيت المرحلة الابتدائية والمتوسطة والثانوية والجامعية( ماشاء الله تبارك الله علي) وبالتالي أقدر أقول لك من خلال تجربتي أن التعليم كان دمااااااار في كل مرحلة من هذه المراحل
- حبيبي أنت ، طيب وشلون الصحة عندكم؟؟
- حبك برص
، أنا يا كوفي وبحكم أني مرافق دائم لشخص عزيز على قلبي عانى من المرض كثيرا (أسأل الله العلي القدير أن يمن عليه بالشفاء العاجل وجميع مرضى المسلمين) ، دخلت جميع المستشفيات الحكومية والاهلية اللي عندنا ، وسافرت للخارج وبالتحديد لأوروبا واستكمل صاحبي علاجه هناك، وسافرت للكويت وشفت روعة ونظافة وسعة وكفاءة العاملين في هذه المستشفيات ، ومن خلال هالتجربه أقدر أقول لك أن الصحة عندنا دماااااااااااااااااااااااار
- إذاً ياحمود ليش زعلان يوم تأخر ترتيبكم عن دول الخليج ؟؟
- ما زعلت بس حنا دايم كذا نشوف أنفسنا أحسن ناس والواقع يقول إننا في الصفوف المتأخره
- ولا يضيق صدرك ما دام خادم الحرمين الشريفين يسعى وبجهود واضحة لإصلاح الأوضاع لديكم
- اي والله انك صادز ، ترى حنا متفائلين كثير بالملك عبدالله (الله يحفظه) وما نقول إلا الله يوفقه ويرزقه البطانه الصالحه
- زين ياحمود توصي شي؟؟
- مثلك عارف ان المكالمات الدوليه تكلف واااجد والكوسه تباع بالقصيم بـ150 ريال، ودي لا هنت تسدد فاتورتي الجايه
- أبشر برضاك ، رحمتك
- شكراً وأرسل لي رقم ايملك أبرسل لك حنيـني وِقشد يحبهن قلبك