تبي الصراحة 90% من الشعب السعودي فرحان بهذه النتيجة وذلك بسبب حرماننامن مشاهدة مباريات كأس العالم وذنبنا الوحيد هو أننا لم نركِّب قنوات الدعارة والإباحية في بيوتنا ( وإن شاء الله نموت ماركبناها ) بلا منتخب بلا هم ، والمضحك المبكي في نفس الوقت أن وقت نقل المباريات التلفزيون السعودي ينقل أفلام كرتون في القناة الثانية يمسكونا من الساعو وحده إلى العصر ، أما القناة الأولى فقد ابتكرت برامج جديدة ما أدري وين كانت قبل كأس العالم مثل برنامج ( البيئة ) يجيبون أكياس زبالة ( الله يعزكم )


أنا مستغرب ليش ما يفرون كهرب ويسكرون القناة الثانية ؟؟؟
مع إنهم يدرون إن مافيه ولا واحد يشاهدها إلا برنامج كل الرياضة إذا فكه الله من الفروسية وأحمد النباط وخليفه أبو خميس وفهد مبارك السبيعي ( شفتو حفظت الأسماء من كثر ماتتكرر ) .

لا ويقولون نبي نفتح قناة رياضية !! وش يبي يجيبون ؟ أكيد فروسية !!!!
لكن بشرط أن يسمح لهم صالح كامل

أنا قلت في أول موضوعي إن أغلب السعوديين فرحوا بهذه النتيجة وخذ بعض الدلائل :
**رسائل الجوال من أمس كلها نكت عن المنتخب . وهذا طبعا يدل على الفرحة بالهزيمة .
**المجالس ( وخاصة مجالس الشباب ) كلها تعليقات وضحك .