طيب .. وإذا راح الحرامي واشتكاني لأني ما أحسنت استقباله ولا أكرمته ..ممكن يطولني شيء وإلا لا ..

والله من جد مهزلة ..!! أجل الحرامي لازم يتنازل لأنه راعي البيت ضاربه ..

مشكلة الأمن عندنا إن أفراده - مع احترامي لهم - من أقل المجتمع تعليم وثقافة وهو السبب في تدني الأمن عندنا ..!!

طبعا باستثناء الضباط اللي دورهم يقتصر على المكاتب فقط ..!!

إقتباس الرسالة الأصلية كتبت بواسطة هامور البورصه اقول مره انصرق من عند بابنا موتر رحنا نبلغ قالي دوره انت والله ملوم الشباب يصرقوون مداام مافيه قوانين تمنعهم المفروض يقصوون يعديهم عشاان يتادبوون اجل بالله وااحد موقف يصلي يطلع مايلقى سيارته يشوفهم يفحطون بها يمسكون اللي صارقه سجن يوم ويطلع الييوم الثااني بكفااله والله العظييم اشياء تقهرررررر من جد انا مره في دوله ماهي عربيه ولا هي اسلاميه كنا في السنماء وضاعت شنطة الوالده لما رجعنا السوق الييوم الثااني رجعنا للسوق ورحنا للمنات مدري شنهي وقالو والله الشنطه مهيب عندنا كان جواء الشنطه مبلغ مالي وجوال واشياء مهمه قلنا اكيد انا نسينها بالسنماء ورحنا لقاعة السنماء وسالنا العمال وكانت جنسياتهم من شرق اسياء اللي عيونهم ضوااق ومافيهم خشووم الحمدالله ياربي وقلناله وقال ايه عندي بس عطني مواصفات الشنطه ولما قلناله قام يهاوشنا يقول اشلون تنسون شنطه وفهيا مبلغ بالقيمة هذي وعطناها ولما جينا بنبخششه قال لالا هذا واجبي وهذا عملي ورفض ياخذ بخشيش شوفو الكاافر وش يسوي والمسلم وش يسوي والله شي يقهررررررررر

تصدق عاد حصل لي مثل هالسالفة في الخارج ..لكن ماهيب في سينماء ..

كانت بمطعم ..ونسينا كيس معنا فيه أغراض ..وبعد ما السوق كله قفل تذكرنا الكيس ولافيه إلا المطعم اللي توقعنا إنه موجود فيه ..رحت للمطعم ولقيته مقفل لكن فيه عامل ينظف الطاولات ..سألته عن الكيس ..راح وجابه لي ..

حتى في رحلتي كان معي لاب توب وكاميرا ..كانت موجودة في السيارة باستمرار بالخلف ..ولا فيه أي مشاكل أو سبب لي أي قلق ..

لكن لو إني في الرياض ما أخلي ولا ( قوطي بيبسي ) لأنه ممكن تكسر سيارتي عشانه ..

ما نقول إلا الله يصلح الحال .. ونشوف النظام يطبق على الجميع وتوقف هالمهازل اللي تصير ..

شكرا لك أخوي على الموضوع ..