لعبة واحد طش ثنين طش للي مايعرفونها ، هي لعبة الغميمة
وللأسف ان اللاعب الرئيسي بهاللعبة ، هو من يقوم بتغطية عيونه ويعد واحد طش ثنين طش .... لين عشرة طش ، وطبعا دايما تصير تجاوزات ويقوم هاللاعب بمحاولة اختلاس النظر لأين يختبىء باقي اللاعبين .
^
^
^
^
ترى هالكلام مهوب بمناسبة الجنادرية هذا بمناسبة آخر مباراتين للهلال مع النصر .
بعد المباراة الأولى (العيدية ) قام الإتحاد المذكور بإصدار قرارات غريبة جدا تغاضت عن المخطأ خطأ مقصودا ، وعاقبت المخطأ خطأ بشري يعتمد على التقدير الشخصي ، واللي زاد الطين بلة ..... توجيه خطاب شكر لمن زرع بذور العربجة والتعصب والتصرفات اللاحضارية في ملاعبنا!!

اجل وش تتوقعون بيصير بعد المباراة الثانية؟؟

الحين حنا صرنا مثل اللي يتفرج على اللاعب الرئيسي في لعبة واحد طش ثنين طش ، فهو يتفرج على احتمالات مالها اول ولا آخر ...... قد تنتهي بكافأة من صرح واتهم الجميع بالرشاوي ، بكلام اخجل من ذكره في المنتدى احتراما لكم ولمنتدانا الجميل .

الزبدة :

لا تستبعدون بكرا تغيير مسمى بعض الا تحادات الرياضية الأخرى مثل :

اتحاد السلة <========> اتحاد الطجمة .
اتحاد اليد <========> اتحاد عضيم سرى .
اتحاد القوى <========> اتحاد الحبشة <--- هذي مناسبة بصراحة .


والله يخلف علينا وعلى اتحاداتنا .