السلام عليكم
ألف ألف مبروك الفوز شباب .. المباراة انتهت بالفوز ثلاثة صفر .. سافيولا و جولي واينيستا .. بكل صراحة لو الخصم غير خيمناستك ما اتوقع راح تنتهي المباراة كذا .. مستوى الفريق المقابل ما يأهله يلعب بدوري الأضواء ..
تشكيلة ريكارد اليوم صراحة حلوه .. الدفاع كويس .. لكن المشكله بالهجوم .. أيضا روني اليوم مادري وش فيه .. فيه بلا صراحة .. لعب استعراضي ماله داعي .. صحيح خصمك مافاز الا مباراة وحده بس الى الحين .. بس مهب لهالدرجة عاد روني .. حتى الجماهير بالملعب أنواع الصراخ اذا مسك الكورة روني ..
ريكارد .. وكالعاده ياحبيبي كالعاده .. سافيولا يبدع بالهجوم ويجيب هدف وكوره بالعارضه و و .. يروح يطلعه ويدخل حبيب القلب .. أنا صراحة بديت أشك ان جودي ماسك على ريكارد شي .. 
عالعموم .. ألف مبروك الفوز وألف ألف مبروك الصداره و الحصول على لقب بطل الشتاء .. الي صراحة ماكنا نتمناه كذا .. بشق الانفس جاء ..
