الاخوان هلال الكويت(11) و المفهي تسلمونلي ..

------------------------------------

سليمااااااااان ..

إقتباس ماجد عبدالله لانه لاعب غني عن التعريف

أول شي مافيه انسان غني عن التعريف واذا كنت تجهل هالشي فهذه الكلمة لا تجوز شرعاً لأن الله هو الغني .. وهناك فتوى لابن عثيمين رحمه الله بتحريم إطلاق هذه الجملة على بشر .. ( هذا التعصب بعينه وعلمه ) ..

ثاني شي فعلاً كلمة الحق لا تغضب سوى المتعصبين .. والا ليش انت معصب وتبي تفرض علي الاعجاب بماجد بالقوة !! ياخي هذا رايي وانا حر فيه ( ناس غريبة عجيبة )

والشتالي له عيون ولنا عيون زيه .. هذا رايه وهو حر فيه .. هذا إذا كان قالها فعلاً ( والله مادري اول مرة اسمع انه قايلها ) ..

بعدين انا تكلمت بالارقام والتواريخ ما جبت شي من عندي ( يعني مافيه مجال تعارض فيه كلامي ) ..

تنكر ان ماجد فشل في تسجيل أي هدف حاسم ساعد المنتخب في الصعود للنهائيات على مدى 12 عاما وفي ثلاث مشاركات ؟!! ..

تنكر ان المنتخب عمره ما تأهل للنهائيات أيام ماجد ولا عرف النهائيات الا بسامي وجيله ؟!! ( حتى في تصفيات 94 اللي يقولون شارك فيها ماجد .. مالعب ماجد فيها الا مباراة واحده وأصيب فيها قدام اليابان (( وهي الوحيدة للمنتخب اللي انتهت سلبية )) رحمة من ربك اللي اصيب ولا كان ما تأهلنا كالعادة !! ) ..
تنكر ان ماجد فشل في تسجيل أي هدف في النهائيات 94 ( إلا إذا كانت إعادته للكورة داخل شباك بلجيكا بعد هدف سعيد تعتبر هدف!!! )؟ ..

كل هذولي ما تقدر تعارضهم لأنها أرقام وتاريخ ميب سواليف شتالي ولا غيره ..

أنا كلامي اللي قلته عن ماجد كالتالي وحاول تفتح عيونك وتقراه زين :

إقتباس أما تاريخ هذا اللاعب مع كأس العالم على مدى 20 عاماً من التواجد في المنتخب فهو تاريخ مخزي ولا يستحسن بعشَاقه أن يأتوا على ذكره والحديث عن كأس العالم ...

قلت في كأس العالم وحط تحتها مليون خط .. وما تكلمت عن هدفه على الصين ولا نيبال ولا الروضة ..

على العموم وفر ردك لموضوع قادم بكشف فيه تاريخ الاسطوانة ماجد ( موب وقته الحين ماني فاضيله ) ووقتها جب عدتك وعتادك وعطنا رايك ..

كأس العالم بقيادة سامي شي ثاني بالارقام والتاريخ وليس برأي فلان وعلان ( خل عنك التعصب )

وتحياتي لك سواء كنت مندس أو طاير بالعجَة ..

------------------------------

الزعيم الأبن ..

صحيح لكن فيه فرق بين شهرة ..... وتشهير .. وتسلملي

----------------------------

al_mo7al2002

تسلملي يالغالي ..