السلام عليكم ورحمه الله وبركاته
صباح الخير
الحمد لله على كل حال
هاردلك يا شباب
عنوان هذه المباراة
حــمــاقــــات ريــكــــــــــــارد
ريكارد اسمح لي ,, تشكيلة متناقضة تماماً
مو كل مرة تسلم الجرة
يعني نرى " سافيولا "  يقدم عطاءات ومجهودات واهداف ويكون حبيس دكة الإحتياط !
شيء عجيب ,, بل شيء يــــــــقـــــــــــــــهـــــــــــــــــــــر
نتحدث اولاً عن التغييرات
الأســـوأ في المباراة
أدميلسون ,, انا بصراحة ما اعرف وش قاعد يسوي !! ضاااااااااااااااااااااااااايع طول المباراة
لا يناول صح ,, لا يقطع هجمات ,,
وش هاللاعب ,, هل كبر السن له دور ؟ أم أنه أصبح غير نافع للفريق ؟ أم فترة الإجازة كان لها دور ؟ 
كنت اتمنى انه يصلح خطأه ويدخل " موتا " بدلاً من " ادميلسون " >>>>>>>>> وين أيامك يا " فان بوميل " ؟
نقطة ثانية
مباراة اليوم كنا نلعب بدون اظهره !!
بيلتي ,, مصيبة هاللاعب ,, لا هو اللي يرفع زين ولا هو اللي يمرر زين ,, بالله عليكم شفتو رفعته اللي ببداية الشوط الثاني ! 
بصراحة ودي يعطونه آي سي ميلان اللي يريده ,, وينك يا جوكر ,, أو يتعاقدون مع " دانييل ألفيس " ليكون يوجد للفريق ظهير يمين جاهز أي وقت
نأتي للمشكلة الأخرى ,, " جيو " والمشكلة انه اسمه طوووويل ويدلعونه جيو !! 
هذا يعتبر من أسوأ اللاعبين مع " ادميلسون + بيلتي + جودينسن "
ونأتي للخطأ المتكرر دائماً
" جودينسن " ,, يضيع أكثر من اللي يجيب !!
مشكلة والله هاللاعب ,, لاهو سريع ,, ولا يتمركز صح ,, وسلبياته كثيرها ابرزها أنه ينتظر الكرة تجيه .. بالله عليهم هذا مهاجم ورأس حربه صريح ؟
يعني مهاجم ينتظر الكرة تجيه لما عنده ,, هذا مهاجم بالأسم فقط
المفروض يراكظ مثل " سافيولا " أو " ازكويرو " ويتمركز صح ,,
وينك يا أسد الكاميرون " ايتو " ؟ .... وينك يا " ماكسي لوبيز " ؟
إن شاء الله يجينا " هـــنـــتـــيـــلار " 
التغيير الأول كان المفروض ينزل " سافيولا " ويطلع " جودينسن " ,, لأن " جولي " كان متحرك شوي الشوط الأول لكنه ضيع فرص واعتمد على الأنانية ,, مع أنه أصلاً مفروض يلعب بـ " سافيولا " أساسي
التغير الثاني نزول " موتا " بديلاً لـ " جودينسن " لماذا هذا التغير ؟
مفروض ينزل مركز بـ مركز ,, ينزل " موتا " بدلاً من " ادميلسون " اللي اليوم كان سيء للغاية , واعتبره اسوأ لاعبي المباراة و " جودينسن "
التغيير الثالث اللي هو التغيير المهزلة
يعني هل من المعقول أن يغير " اوليغير " النتجية ؟؟؟؟؟؟؟؟؟؟
من المفترض أن يقحم " ازكويرو " بدلاً من المصاب " انيستا "
فما أدري بصراحة ,,
هل يعتمد " ريكارد " دائماً في تغييراته على المثل اللي يقول
يــا صــابــت ,, يــا خـــابـــت !
ما زال مسلسل إدهار النقاط متتالي والسبب اعتقد انهُ ( حماقات ريكارد المتتالية )
رسالة إلى " لابورتا "
تحرك لإنقاذ الفريق ,, ومازال هناك بقية من الوقت
آسف على الإطالة
وسامحوني ,,
بس وش أسوي ,, الله يعينا على ريكارد
تقبلوا خالص التحية مني ,,
اخوكم ,, سالم |
