| يعني وقفت على ايقاف الشريده ... دارين من زمان الايقافات ما تطول إلا لعيبة الهلال بس والكاميرا ما تشوف إلا الهلال ولعيبته بس ...... ليه لان الهلال ضعيف في إدارته نفس أعضاءه اللي لهم كلمتهم بالاتحاد السعودي نايمين وتاركين الهلال هو بس اللي يطبق عليه النظام ... وللاسف ما زال الهلال هو المتضرر وسيظل هو المتضرر من هالكاميرا اللي ما تصيد غير لاعبيه بس ...
بس إن تكلمنا بجد اتمنى يتوقف الشريده مو من الاتحاد السعودي لا من الإدارة الهلاليه .. مع حرمانه من مكافاءات الفوز وخصم من رابته كاقل شي 30% عشان تكون درس له وعبره لغيره ... وعشان يدري هو يلعب مع نادي كبير بأسمه وبشعاره وماهو يلعب مع القادسيه حتى يسوي مثل هذه الحركات الصبيانيه .. وأن كان ما قدر عمره الكروي وخبرته حنا نعلمه كيف يقدر الفانله اللي يلبسها ...
الاتحاد السعودي يا ما اخطا وتطاول على الهلال كثيرا كثيرا .. واللي يسويه مع الهلال شي لا يحتمل ولا يطاق بس بنفس الوقت حنا مانرضى ان واحد من لاعبينا يخلي حثالة المجتمع تتكلم على هذا النادي العريق ...
و متى بيفهمون لاعبينا انهم مستهدفين وتحت المجهر .. وأن الزله تدور عليهم ليمتا بضل الشريده على حركاته الصبيانيه ...
حط يده على وجه اللاعب ودفه ... وخلوه انه ضاربه بلكمه ...
هذا اللي حصلنها من فعلت الشريده .. والاستهتار الزائد عن حده برجل الخط ايضا
انا صراح اتمنى من الإدارة الهلالية توقف هي بنفسه .. صح حنا بحاجته بالتحديد الان بس سمعة نادينا الزم علينا منه .. وأن كان الفانله اللي يلبسها مالها احترام عنده وش لنا فيه ... وما جنينا من ورى فعلته إلا خلينهم يطاولون على نادينا ويتكلمون
فياشريده راجع حساباتك
وحقيقه لوني في منتدى ثاني غير هذا المنتدى ما قلت هذا الكلام .. وأي واحد بيقول في اي منتدى ثاني كلمه برد عليه بعشر ... بس هنا نتكلم بصراحه عن اللي يخص نادينا ... واعتقد اللي سواه الشريده غلط وعبث باسم كيان عريق وعدم مبالاة لهذا النادي ولا الشعار اللي يلبسه .... وغير هذا مافيه شي بالمباراة صار نقدمه العذر انه فقد فيه اعصابه .. بالعكس كان الهلال سيئ للغايه ,, ولولا الله ثم ابو يعقوب كان صار كلام ثاني .. ولو الشريده من البداية تفرغ للمباراة كان ما صار دفعنا مكشوف وبوابه عبور للاعبين النصر
| 