|
من يسوي خير ويوصلها لبو سلطان
 وش عاد باقي يابو سلطان ترجيــــــــــه .... بعد التعادل جاء دور الخســـاره
جمهورك الوافي يبي من يعزيــــــــــــــه .... من عقب ما هو طامحٍ للصداره
والله اعلم بالقدر وش مخفيـــــــــــــــــه .... مادام بيسيرو ساعي في دماره
مثلك يحل الوضع مادام بيديــــــــــــــــه .... الحر مثلك يكتفي بالإشــــــــاره
صبرك على جرحك يزود المرض فيـــه .... أقولها لك بصريح العبـــــــــاره
مدرب النادي يبي من يوديـــــــــــــــــه .... عجل عليه ولا تأخر قـــــــــراره
واللاعب اللي غايباً عن ناديـــــــــــــــه .... اعلم ترى غيرك يشوش أفكاره | 